МІНСК, 4 лют - Sputnik. Міністэрства энергетыкі Казахстана арганізуе сустрэчы беларускага боку з казахстанскімі пастаўшчыкамі нафты, паведаміў у аўторак кіраўнік ведамства Нурлан Нагаеў.
Прэзідэнт Беларусі Аляксандр Лукашэнка на мінулым тыдні сваім указам упаўнаважыў урад рэспублікі на перамовы з Казахстанам па праекце пагаднення аб пастаўках нафты і нафтапрадуктаў і на яго падпісанне.
"Наша пазіцыя - дыверсіфікацыя, і міністэрства канкрэтна займаецца рэалізацыяй гэтай палітыкі. На сённяшні дзень прапрацоўваецца пытанне падпісання пагаднення аб супрацоўніцтве ў галіне нафты і нафтапрадуктаў", - заявіў кіраўнік ведамства журналістам у аўторак.
Паводле яго слоў, пасля падпісання гэтага пагаднення беларускі бок мае магчымасць набываць у нас нафту.
"Мы на сённяшні дзень як міністэрства арганізоўваем сустрэчы з рэсурсатрымацелямі", - сказаў Нагаеў.
Ён пацвердзіў, што візіт беларускага боку ў Казахстан для перамоваў па пастаўках нафты чакаецца на гэтым тыдні.
Беларускі прэзідэнт на фоне нафтагазавых перамоваў Мінска і Масквы неаднаразова казаў, што краіна актыўна шукае крыніцы паставак нафты, альтэрнатыўнай расійскай. Урад Беларусі заяўляла, што Мінск разглядае пастаўкі нафты з Украіны, з Польшчы, краін Балтыі, Казахстана, Азербайджана.
Нафтавае пытанне
Беларусь і Расія да пачатка 2020 года не змаглі прыйсці да пагаднення па кошце нафты: рэспубліка адмаўляецца плаціць пастаўшчыкам прэмію ў 6 долараў за тону да кошту пастаўкі. На гэтым фоне 1 студзеня былі прыпыненыя пастаўкі сыравіны ў рэспубліку.
У якасці часовай меры Беларусь закупіла 750 тысяч тон у кампаній расійскага бізнесмена Міхаіла Гуцарыева, якія пагадзіліся працаваць без прэміі. Адначасова, як заяўляе ўрад, вядуцца перамовы з альтэрнатыўнымі пастаўшчыкамі нафты.
У студзені рэспубліка таксама дамовілася аб куплі 80 тысяч тон нарвежскай нафты для "Нафтана" - марка Johan Sverdrup максімальная блізкая па характарыстыках да Urals. Пастаўляцца яна будзе праз порт Клайпеды, які ў год можа прапусціць толькі 3,6 мільёна тон. Акрамя таго, за перавалку і транспарціроўку нарвежскай сыравіны Беларусь пераплачвае па 20 долараў за тону.
Для загрузкі аднаго "Нафтана" патрабуецца каля дзевяці мільёнаў тон штогод, гэта значыць каля 25 тысяч тон штодня. Мазырскі НПЗ перапрацоўвае каля дзесяці мільёнаў тон у год. Большая частка прадукцыі "нафтахіму" ідзе на экспарт у выглядзе светлых нафтапрадуктаў, у першую чаргу аўтамабільнага паліва.
Без альтэрнатывы?
Беларусь ужо шукала альтэрнатыўныя крыніцы нафты ў папярэднія гады. Так, у Венесуэлы рэспубліка закупляла марку Santa Barbara на пачатку 2010-х. Аднак надзвычай дарагая лагістыка і нізкая якасць сыравіны вымусілі звярнуцца да своп-схемы з Азербайджанам. Усяго рэспубліка закупіла ў Венесуэлы за тры гады амаль 3,4 мільёнаў тон. Цікава, што сярэдні кошт за тону расійскай сыравіны для Беларусі ў 2010 годзе была 434 долара, венесуэльскай - 647 долара.
Крыху менш за мільён тон Беларусь закупіла ў Азербайджана ў 2011-м - па кошце ў 838 долараў за тону. Для параўнання: расейская нафта тады ж каштавала каля 430 долараў за тону. У 2016-м Беларусь зноў звярнулася да Азербайдлжана за брэндамі Azeri Light і CPC Blend, аднак таксама ў невялікіх аб'ёмах: 560 тысяч тон. У 2017 рэспубліка закупіла 1,4 мільёна тон нафты ў Ірана.
Пакрыць патрэбы Беларусі ў нафце не могуць ні Азербайджан, ні Казахстан, ні іншыя краіны-партнёры. Акрамя таго, яе ўсё роўна прыйдзецца "разводзіць" расійскай, бо беларускія НПЗ "заточаныя" пад Urals. Пры гэтым кошт альтэрнатыўных пастаўшчыкоў заўсёды перавышае кошт на расійскую сыравіну. Розніца з улікам лагістыкі можа дасягаць практычна два разы.
У мінулым годзе Беларусь купляла ў Расіі нафту па сярэднім кошце ў 364 долара за тону. Пры гэтым рэспубліка плаціла за сыравіну толькі 83% ад сусветнага кошту нафты.