МІНСК, 25 кра - Sputnik. 14 мая ў беларускай сталіцы адбудзецца адкрыццё чарговага сезону праекта "Мастак і горад ". У гэтым годзе экспазіцыя будзе прысвечана творчасці аб’яднання "УНОВИС", якое святкуе стогадовы юбілей, паведамілі арганізатары.
Праект пройдзе ў дзявяты раз і ўпершыню будзе працаваць анлайн. Каб паглядзець выставу, наведвальнікам не прыйдзецца нават выходзіць з дома: дастаткова наведаць адмысловы сайт, на якім будуць прадстаўлены работы 16 віцебскіх мастакоў, якія з’яўляюцца паслядоўнікамі "УНОВИСа" і Казіміра Малевіча. У экспазіцыі – 32 работы, частка з якіх напісана мастакамі творчага аб’яднання "Квадрат", якое таксама лічыцца пераемнікам "УНОВИСа".
Арганізатары лічаць, што пераход у анлайн-фармат дазволіць пашырыць аўдыторыю праекта і пазнаёміць з творчасцю выбітных беларускіх мастакоў не толькі беларусаў, але і жыхароў другіх краін.
Плануецца, што выстава будзе даступная ў афлайне адразу ж, як гэта будзе дазваляць зрабіць эпідэміялагічная сітуацыя.
Чытайце таксама:
- Праект "Мастак і горад" выстаяў перад націскам непагадзі і вандалаў
- Мікіта Моніч правёў экскурсію па "Залатой калекцыі жывапісу"
- Выстава карцін Скрыпнічэнкі пад адкрытым небам адкрылася ў цэнтры Мінска