МІНСК, 14 мая - Sputnik. У інтарэсах Расіі і Беларусі быць адзінай дзяржавай, такое меркаванне выказаў расійскі кінарэжысёр Карэн Шахназараў падчас онлайн-канферэнцыі, прысвечанай 25-годдзю рэферэндуму, на якім беларускі народ абраў курс на збліжэнне з Расіяй.
Анлайн-сустрэча на тэму: "Чвэрць стагоддзя разам - што чакае Саюзная дзяржава?" прайшла 14 мая. У размове ўдзельнічалі палітолагі, журналісты, дэпутаты і лідары меркаванняў з Расіі і Беларусі.
У пачатку канферэнцыі адзін з яе ўдзельнікаў, дэкан факультэта філасофіі і сацыяльных навук БДУ Вадзім Гігін нагадаў, што 14 мая 1995 года беларускі народ ухваліў курс прэзідэнта Аляксандра Лукашэнкі на збліжэнне з Расіяй. Тады на агульнарэспубліканскім рэферэндуме на пытанне: "Ці падтрымліваеце вы палітыку прэзідэнта, накіраваную на эканамічную інтэграцыю з Расіяй?", станоўчы адказ далi больш за 80% удзельнікаў плебісцыту, прыкладна столькі ж прагаласавалі за наданне рускай мове роўнага статусу з беларускай. Па сутнасці, гэта рашэнне стала не толькі адпраўной кропкай для збліжэння дзвюх краін, але і пасля паслужыла каталізатарам для стварэння Еўразійскага эканамічнага саюза.
Народны артыст РФ Карэн Шахназараў, які падключыўся пазней да анлайн-канферэнцыі, адзначыў, што яшчэ большае збліжэнне двух народаў непазбежна.
"На мой погляд, гэта вывіх гісторыі, што падзяліліся дзве краіны. Гэта досыць драматычны вывіх. Адзінае, што можа быць у інтарэсах і Беларусі і Расіі - гэта знайсці нейкую форму адзінай дзяржавы", - сказаў кінарэжысёр.
Шахназараў адзначыў, што на працягу стагоддзяў беларускі і рускі народы імкнуліся да аб'яднання. Нягледзячы на тое, што яны развіваліся часам вельмі аддалена і пад розным уплывам, у іх памяці захаваўся адзіны культурны код. Ён нагадаў, што беларусы, рускія і ўкраінцы адносяцца да ўсходне-еўрапейскай цывілізацыі. На яго думку, калі гэтыя тры народы аб'ядноўваліся, то дасягалі найбольшага поспеху, а як толькі раз'ядноўваліся - цярпелі разнастайныя бедствы.
"Таму, я думаю, гэта павінна прывесці да адзінай наогул дзяржавы. У якой форме яна будзе - ужо іншае пытанне, існуюць розныя палітычныя формы. Толькі гэта ў канчатковым рахунку стане залогам поспеху расійскага, беларускага і, я паўтаруся, украінскага народа, - сказаў Шахназараў.
Іншы спікер, дырэктар Інстытута Еўропы РАН Аляксей Грамыка, пералічыў дасягненні за гады існавання Саюзнай дзяржавы.
"Самае важнае, што мы набылі - гэта адзіную прастору, свабоду перамяшчэння. Таксама былі выбудаваныя многія элементы адзінага рынку. Саюзная дзяржава - гэта адно з найбольш інтэграваных аб'яднанняў у свеце. У нас - глыбокая эканамічная, сацыяльная, знешнепалітычная каардынацыя, у нас - ваенна-палітычны саюз. З нашых дзвюх краін быў створаны Еўразійскі эканамічны саюза. Гэтыя два праекты - Саюзная дзяржава і ЕАЭС - шмат у чым падсілкоўваюць адзін аднаго", - удакладніў ён.
Палітолаг адзначыў вялікі ўклад Беларусі ў інтэграцыйнае будаўніцтва на постсавецкай прасторы і нагадаў, што цяпер ужо на 95% узгоднена стратэгія развіцця ЕАЭС да 2025 года. Па запрашэнні Аляксандра Лукашэнкі ў Мінску 19 мая павінен сабрацца Вышэйшы Еўразійскі эканамічны савет і зацвердзіць гэтую стратэгію.