Усяго аўтар плануе да восені або новага года сабраць каля паўсотні рэцэптаў з практычна дэтэктыўнымі падрабязнасцямі іх з'яўлення на свет. Гэта інтрыга яшчэ тая, кажа суразмоўца Sputnik, нават калі працуеш з гістарычнай кухняй каля 20 гадоў, здзіўляешся фантазіі кухараў таго часу, асабліва "Радзівілаўскіх кухараў".
"Такое нестандартнае спалучэнне інгрэдыентаў цяжка сабе ўявіць, бываюць удалыя варыянты, калі так - гэта класна, бываюць няўдалыя, і я гляджу, што падыдзе сучаснаму чалавеку... Шляхецкая кухня - яна бліжэй да нас па разуменню густаў, трапленне на 80-85%", - адзначае эксперт.
У расследаванні Алены Мікульчык цікавыя не толькі рэцэпты, але і звязаныя з імі сапраўдныя кулінарныя дэтэктывы, адзначае суразмоўца. Напрыклад, у адрозненне ад звыклай нам падліўкі "маянэз" у 19 стагоддзі - гэта халоднае мясная або рыбная страву. Яго гатаваў у тым ліку і французскі рэстаратар Люсьен Аліўе, з імем якога звязана з'яўленне на свет знакамітай салаты.
"Люсьен Аліўе падаваў соус правансаль з вялікай колькасцю розных інгрэдыентаў, якія належыла ў гэты соус мачаць. Гэта халодная закуска, а ніяк не салата. І зноў жа па легендзе адзін раз прыйшлі рускія купцы і яны ўзялі ўсё гэта і змяшалі. Люсьен Аліўе не мог гэтага перажыць і вырашыў падаць адразу ўсе намяшана, таму што грубыя рускія купцы не змаглі ацаніць тонкую французскую кулінарную думку. І вось у такім выглядзе салата стаў папулярным", - распавядае Мікульчык.
Таксама ў гутарцы - чаму ўяўленне аб цалкам розных стравах з часам змяшалася, і якое дачыненне гэтыя стравы маюць да шляхецкай і Радзівілаўскай кухні, падрабязнасці ў аўдыёзапісы.