МІНСК, 11 чэр - Sputnik. Колькасць хворых на каронавірус у Беларусі наблізілася да 52 тысячаў, такія лічбы апублікавала ў чацвер Міністэрства аховы здароўя.
"Зарэгістраваныя 51 тысяча 816 чалавек з станоўчым тэстам на COVID-19. Усяго праведзена 678 тысяч 570 тэстаў", - распавялі ў ведамстве.
Дарэчы, за суткі дадалося ўсяго 750 хворых. Гэта пазітыўная тэндэнцыя, улічваючы, што ў апошнія тыдні захворванне трымалася на ўзроўні плюс 800-900 інфіцыраваных у суткі.
Акрамя таго, не ў першы раз за апошнія тыдні колькасць тых, хто паправіўся, за суткі перавысіла колькасць тых, хто захварэў. Па апошніх дадзеных, пацыентаў стала менш на 976 чалавек.
Пры гэтым, па дадзеных на 11 чэрвеня, у краіне паправіліся і выпісаныя 26 тысяч 643 пацыента, якія перанеслі каронавірус. З лютага ад ускладненняў, выкліканых COVID-19, памерлі ўжо 293 чалавекі. Гэта значыць, за мінулыя суткі ахвярамі хваробы сталі яшчэ пяць чалавек.
Чытайце таксама:
- "Вы асабіста памрэце не ад гэтага": Мяснікоў аб каронавірусе, паніцы і прафілактыцы
- Расія і Турцыя будуць сумесна выпрабоўваць вакцыны ад каронавіруса
- Набор у дзіцячыя сады з-за каронавіруса абмежаваны