МІНСК, 29 ліп - Sputnik. Прэзідэнт Расіі Уладзімір Пуцін правёў у сераду нараду аб санітарна-эпідэміялагічнай абстаноўцы ў краіне і аб гатоўнасці сістэмы аховы здароўя да асенне-зімовага перыяду.
На нарадзе з дакладамі выступілі віцэ-прэм'ер Таццяна Голікава, міністр аховы здароўя Міхаіл Мурашка, кіраўнік Расспажыўнагляду Ганна Папова, сталічны кіраўнік горада Сяргей Сабянін.
Расійскі лідар заявіў, што неабходна за кошт прафілактычных і папераджальных мер пастарацца пазбегнуць увядзення паўторнага рэжыму абмежаванняў з-за новай каронавіруснай інфекцыі.
"Вядома, неабходна зрабіць усё, каб за кошт прафілактычных, папераджальных мер пастарацца пазбегнуць паўторнага рэжыму ўвядзення абмежаванняў. Тым больш маштабных, каб школы, дзіцячыя сады, ВНУ, прадпрыемствы і арганізацыі маглі працаваць у бяспечным, нармальным, звыклым для людзей рэжыме", - падкрэсліў Пуцін.
Вакцына ад каронавіруса
Ключавыя патрабаванні да вакцыны ад каронавіруса - эфектыўнасць і бяспека, упэўненасць у ёй павінна быць абсалютнай, заявіў прэзідэнт РФ.
"Менавіта з гэтага будзем зыходзіць, прымаючы далейшыя рашэнні па вакцынацыі ад каронавіруса", - дадаў Пуцін.
Як распавяла на нарадзе віцэ-прэм'ер Таццяна Голікава, найбольшыя перспектывы ў Расеі цяпер маюць дзве вакцыны ад каронавіруса: распрацаваныя цэнтрам Гамалеі і "Вектар". Рэгістрацыя першай плануецца ў жніўні, вытворчасць - у верасні, другой - у верасні і кастрычніку адпаведна.
"Неабходна папоўніць і сфарміраваць на наступны перыяд запас неабходнага медабсталявання, антысептыкаў, масак і гэтак далей... Яны павінны быць у патрэбнай колькасці і ў медыцынскіх арганізацыях, і ў аптэчнай сетцы. Даступнасць павінна быць стопрацэнтная па ўсёй тэрыторыі нашай краіны", - дадаў Пуцін.
Лідар РФ адзначыў, што ў федэральных і рэгіянальных медустановах павінен быць захаваны рэзерв спецыялізаваных ложкаў для лячэння пацыентаў з каронавірусам.
Дыстанцыйная дапамога
Расіяне з хранічнымі захворваннямі павінны мець магчымасць атрымаць дыстанцыйныя кансультацыі і без прамой неабходнасці не наведваць паліклініку, дзе існуе павышаная рызыка сутыкнуцца з сезоннай інфекцыяй, заявіў Пуцін.
"Калі ў гэтым няма неабходнасці, але, калі патрэба ёсць, зразумела, што трэба ісці да ўрача, але, калі такой прамой неабходнасці няма, каб лішні раз не хадзіць у паліклініку, дзе аб'ектыўна існуе павышаная рызыка сутыкнуцца з сезоннай інфекцыяй", - растлумачыў прэзідэнт Расіі.
Прафілактыка і вакцынацыя
Па словах Пуціна, "асаблівыя намаганні цяпер павінны быць сканцэнтраваны на прафілактычнай працы, у першую чаргу, гаворка ідзе аб прышчэпках ад грыпу. У мінулым годзе такія прышчэпкі зрабілі... больш за палову грамадзян Расіі. Гэта абараніла ад хваробы мільёны людзей. Многія перанеслі яе ў лёгкай форме".
Паводле яго слоў, нацыянальны каляндар прафілактычных прышчэпак у частцы грыпу ў бягучым годзе "павінен быць рэалізаваны ў поўным аб'ёме і забяспечаны неабходнымі рэсурсамі".
"Ставіць прышчэпку ад грыпу ці не - гэта, безумоўна, асабісты выбар кожнага чалавека, але гэта і каласальная адказнасць кожнага чалавека за сваё здароўе і здароўе блізкіх, асабліва бацькоў за здароўе сваіх малых. Прынцып добраахвотнасці, безумоўна, павінен выконвацца няўхільна. Разам з гэтым, тым больш значнай становіцца тое, што называецца, зразумелая, даходлівая асветніцкая, тлумачальная праца", - сказаў Пуцін і падкрэсліў, што гэта агульная задача для ўсіх узроўняў улады.
Здароўе расіян
Самае галоўнае - абараніць жыццё і здароўе расіян, улады павінны зыходзіць з гэтай логікі, падкрэсліў прэзідэнт РФ.
"Хацеў бы зноў падкрэсліць: самае галоўнае - гэта, вядома, абараніць жыццё і здароўе нашых людзей, забяспечыць бяспеку расійскіх сем'яў. Усе ўзроўні і органы ўлады павінны будаваць свае планы і дзеянні менавіта ў гэтай логіцы. Звяртаю ўвагу, тут няма другарадных пытанняў, пытанняў, якія можна адкласці на потым", - сказаў Пуцін на нарадзе.
Паводле яго слоў, "кожны ўчастак, кожны напрамак работы па ахове здароўя нашых грамадзян гранічна важныя і патрабуюць нашай максімальнай увагі і канцэнтрацыі рэсурсаў".