МІНСК, 18 жні - Sputnik. Колькасць пацверджаных выпадкаў каронавіруса ў Беларусі на аўторак склала 69 673, паведамілі ў Міністэрстве аховы здароўя краіны.
Такім чынам, у параўнанні з панядзелкам колькасць выяўленых выпадкаў заражэння павялічылася на 84.
Пры гэтым паправіліся і вылечыліся ад каронавіруснай інфекцыі ужо 67 339 пацыентаў - тых, хто паправіўся, за суткі стала больш на 190 чалавек.
"За ўвесь перыяд распаўсюджвання інфекцыі на тэрыторыі краіны памерлі 617 пацыентаў з шэрагам хранічных захворванняў з выяўленай каронавіруснай інфекцыяй", - удакладнілі ў Міністэрстве аховы здароўя.
У ведамстве таксама ўдакладнілі, што з пачатку пандэміі ў рэспубліцы было праведзена 1 429 532 тэсты.