Як праходзіць масавая вакцынацыя ў свеце - фота

12:05, 12 студзеня 2021

У краінах Еўрасаюза афіцыйна пачалі прышчэпачную кампанію ад COVID-19 27 снежня, аднак некаторыя з удзельнікаў Саюза далі старт вакцынацыі крыху раней ці пазней. Апошняй у ЕС 6 студзеня запусцілі масавую вакцынацыю ў Нідэрландах. ЕС адобрыў вакцыну Pfizer- BioNTech ў паскораным тэмпе, аднак з умовай працягу збору і аналізу інфармацыі па яе ўжыванню. Прэпарат даступны ўсім дзяржавам Еўрасаюза адначасова і на адзіных умовах.

Першыя прышчэпкі: як пачалася масавая вакцынацыя ад COVID ў Беларусі

30 снежня 2020, 08:55

Яшчэ раней прывіваць грамадзян пачалі ў іншых краінах. Так, у Расіі прышчэпачная кампанія расійскім прэпаратам ад каронавіруса "Спутник V" пачалася 5 снежня, спіс катэгорый грамадзян для вакцынацыі пастаянна пашыраецца. ЗША 13 снежня першымі на кантыненце пачалі кампанію па вакцынацыі прэпаратамі Pfizer - BioNTech, а таксама Moderna.

Вялікабрытанія першай у свеце пачала прышчэпкі вакцынай AstraZeneca, распрацаванай брытана-шведскай фармацэўтычнай кампаніяй сумесна з навукоўцамі Оксфардскага універсітэта. Яна стала другім прэпаратам для прышчэпак, які выкарыстоўваюць у краіне. 2 снежня ўлады Вялікабрытаніі дазволілі выкарыстоўваць вакцыну ад каронавіруса, распрацаваную нямецкай кампаніяй BioNTech і амерыканскім канцэрнам Pfizer. На гэты час зроблена ўжо больш за мільён прышчэпак.

У Ізраілі вакцынацыя пачалася 20 снежня, першыя дозы Pfizer - BioNTech за тыдзень атрымалі 270 тысяч з амаль 9 мільёнаў жыхароў краіны.

Чытайце таксама:

У Расіі запатэнтавалі ўнікальныя лекі ад COVID-19
У Расіі абверглі заяву аб тым, што вакцына "Спутник V" неправераная
У Маскве пашырылі спіс катэгорый для вакцынацыі ад каронавіруса

1 / 23

Міністр аховы здароўя Уга дэ Йонг апладзіруе напачатку вакцынацыі ў Нідэрландах, якая стартавала 6 студзеня. 39-гадовая медсястра дома састарэлых атрымала вакцыну адной з першых. Нідэрланды сталі апошняй краінай у Еўрапейскім Саюзе, якая распачала вакцынацыю супраць каронавіруса.

© REUTERS / Piroschka van de Wouw / Pool

2 / 23

Чарга ў цэнтр вакцынацыі ў Берліне. Еўракамісія прызначыла старт вакцынацыі на 27 снежня, аднак шэраг краін пачаў рабіць прышчэпкі ад каронавіруса раней: 26 снежня першы этап кампаніі пачаўся ў Венгрыі, Германіі і Славакіі.

© REUTERS / Hannibal Hanschke/File Photo

3 / 23

Жыхару дома састарэлых недалёка ад Памплоны на поўначы Іспаніі ўводзяць вакцыну ад каронавіруса Pfizer. Іспанія плануе атрымаць больш за 4,5 мільёны доз вакцыны. На працягу наступных трох месяцаў імунізуюць крыху больш за 2,2 мільёна чалавек. Паводле ацэнак урада, гэтага будзе дастаткова, каб прышчапіць жыхароў і супрацоўнікаў дамоў састарэлых, медыцынскіх работнікаў у цэлым і людзей з абмежаванымі магчымасцямі.

© AP / Alvaro Barrientos

4 / 23

Цэнтр вакцынацыі ў зале кінапарка Бабельсберг ў Патсдаме, Германія. Афіцыйна вакцынацыя ў ФРГ пачалася, як і ў іншых краінах Еўрасаюза, 27 снежня. Кіраўнік Еўракамісіі Урсула фон дэр Ляйен паведамляла, што прэпарат Pfizer - BioNTech будзе даступны ўсім дзяржавам Еўрасаюза адначасова і на адзіных умовах.

© REUTERS / SOEREN STACHE

5 / 23

Пажылая жанчына пляскае ў ладкі пасля атрымання вакцыны супраць каронавіруса ў доме састарэлых у Афінах. У ходзе першага этапу вакцынацыі ў Еўрасаюзе прышчэпкі былі зроблены медработнікам, а таксама персаналу і пацыентам дамоў састарэлых.

© REUTERS / Louisa Gouliamaki/Pool

6 / 23

Доктар Джавані Ды Пэры праходзіць вакцынацыю ад каронавіруса ў бальніцы Амедэа ды Савоя ў Турыне, Італія. Улады Італіі першапачаткова заявілі, што кампанія па вакцынацыі ад каронавіруснай інфекцыі будзе праводзіцца ў краіне бясплатна і ў асабліва добраахвотным парадку. У рамках скаардынаванай акцыі ЕС па пачатку вакцынацыі насельніцтва 27 снежня ў Італіі былі зроблены першыя прышчэпкі ад COVID-19.

© REUTERS / Massimo Pinca

7 / 23

Жанчына атрымлівае вакцыну ад COVID-19 падчас кампаніі вакцынацыі медыцынскіх работнікаў у цэнтры вакцынацыі ў Парыжы.

© REUTERS / Martin Bureau

8 / 23

Прэм'ер-міністр Вялікабрытаніі Барыс Джонсан назірае за вакцынацыяй падчас свайго візіту ў бальніцу Chase Farm на поўначы Лондана. Вялікабрытанія першай у свеце пачала прышчэпкі вакцынай AstraZeneca, распрацаванай брытана-шведскай фармацэўтычнай кампаніяй сумесна з навукоўцамі Оксфардскага ўніверсітэта. Яна стала другім прэпаратам для прышчэпак, які выкарыстоўваюць у краіне. 2 снежня ўлады Вялікабрытаніі дазволілі выкарыстоўваць вакцыну ад каронавіруса, распрацаваную нямецкай кампаніяй BioNTech і амерыканскім канцэрнам Pfizer. На гэты час зроблена ўжо больш за мільён прышчэпак.

© REUTERS / Stefan Rousseau

9 / 23

Людзі стаяць у чарзе ў Цэнтры вакцынацыі Лондана.

© REUTERS / Henry Nicholls

10 / 23

Сотні людзей стаяць у чарзе на вакцынацыю ад COVID-19, у Форт-Майерс, Фларыда, ЗША. ЗША 13 снежня першымі на кантыненце пачалі кампанію па вакцынацыі. Прэпаратамі Pfizer - BioNTech, а таксама Moderna ўжо паспелі прышчапіцца 1 млн з 328 млн амерыканцаў. Да канца снежня ўлады разлічвалі вакцынаваць 20 млн чалавек, да канца студзеня - 50 млн.

© REUTERS / Andrew West/The News-Press

11 / 23

Жыхары дома састарэлых атрымліваюць вакцыну Pfizer - BioNTech ад каронавіруса ў Брукліне, Нью-Йорк.

© REUTERS / Yuki Iwamura

12 / 23

Прэм'ер-міністр Канады Джасцін Трудо размаўляе з пацыентам пасля таго, як ён атрымаў адну з першых прышчэпак ад COVID-19 у шпіталі ў Атаве. У Канадзе кампанія распачалася 14 снежня, выкарыстоўваецца прэпарат Pfizer - BioNTech.

© REUTERS / BLAIR GABLE

13 / 23

У Маскве пачалася вакцынацыя ад COVID-19 для людзей старэйшых за 60 гадоў па электронным запісе. Раней вакцынацыя была даступна людзям з асноўнай групы рызыкі: медыкам, настаўнікам. З 14 снежня да іх дадаліся працаўнікі МФЦ, культуры, а таксама сферы гандлю і паслуг, а з 21 снежня - работнікі транспарту, энергетыкі, прамысловасці, СМІ. З 28 снежня запіс на вакцынацыю адкрыўся і для занятых у сферах ЖКГ, грамадскага харчавання, спорту і ў органах аховы правапарадка, уключаючы паліцыю, пракуратуру, суды і іншых, а таксама для валанцёраў і занятых у некамерцыйных і рэлігійных арганізацыях.

© Sputnik / Pavel Bednyakov

/

Перайсці ў медыябанк

14 / 23

У Беларусі 29 снежня стартавала масавая вакцынацыя ад каронавіруса расійскай вакцынай "Спутник V", сярод першых, хто атрымаў вакцыну - работнікі паліклінікі.

© Sputnik

15 / 23

Пацыент атрымлівае прышчэпку ад COVID-19 у Ашдодзе, Ізраіль. Да канца студзеня 2021 года краіна плануе вакцынаваць ад каронавіруса больш за два мільёны жыхароў краіны.

© REUTERS / Amir Cohen

16 / 23

Цэнтр вакцынацыі ў Тэль-Авіве, Ізраіль. У краіне з 20 снежня пачалася масавая вакцынацыя ад каронавіруснай інфекцыі. Вакцыну сумеснай распрацоўкі кампаній Pfizer і BioNTech будуць у першую чаргу рабіць медыцынскім работнікам, грамадзянам старэйшым за 60 ці асобам, якія ўваходзяць у групы рызыкі.

© REUTERS / Ammar Awad

17 / 23

Людзі, якія чакаюць вакцынацыі ад COVID-19 у часовым цэнтры вакцынацыі ў Пекіне. Кітай спяшаецца прышчапіць мільёны людзей перад пачаткам сезона масавых падарожжаў падчас святкавання кітайскага Новага года ў лютым.

© AFP 2024 / Stringer

18 / 23

Жыхары Кітая каля бальніцы ў Пекіне. Кітай выкарыстоўвае ўласныя вакцыны ад кампаній Sinopharm і Sinovac. Першымі імі прышчапляюцца медыкі і прадстаўнікі іншых груп рызыкі. Для вакцынацыі служачых узброеных сіл выкарыстоўваецца прэпарат CanSino. Да сярэдзіны лютага плануецца прышчапіць каля 50 млн чалавек.

© AFP 2024 / GREG BAKER

19 / 23

Мужчына атрымлівае дозу вакцыны супраць COVID-19 у Дубаі, Аб'яднаныя Арабскія Эміраты. Вакцынацыя ў ААЭ пачалася 24 снежня прэпаратам Pfizer - BioNTech. Эмірацкія ўлады дазволілі выкарыстоўваць вакцыну, нягледзячы на прысутнасць у ёй нехаляльных элементаў, напрыклад свінога жэлаціну.

© REUTERS / Abdel Hadi Ramahi

20 / 23

Разгрузка кітайскай вакцыны Sinovac ад COVID-19 на Суматры. Вакцынацыя ад каронавіруса ў Інданэзіі пачанаецца з 13 студзеня. Улады Інданэзіі таксама дамовіліся з фармацэўтычнымі кампаніямі AstraZeneca і Novavax аб атрыманні ў агульнай складанасці 100 мільёнаў доз вакцын ад COVID-19. Краіна разлічвае вакцынаваць ад каронавіруса 181 мільён чалавек з пачатку 2021 года з мэтай выпрацаваць папуляцыйны імунітэт, для гэтага спатрэбіцца больш за 400 мільёнаў доз вакцыны.

© REUTERS / Antara Foto/Nova Wahyudi

21 / 23

Валанцёры і прадстаўнікі аховы здароўя падчас пробнага вакцынавання супраць Covid-19 у прыватнай бальніцы ў Аллахабаде ў Індыі.

© AFP 2024 / SANJAY KANOJIA

22 / 23

Медыцынскія работнікі вакцынуюць насельніцтва расійскім прэпаратам ад каронавіруса "Спутник V" ( "Гам-КОВИД-Вак") у Буэнас-Айрэсе.

© Sputnik / Government of Buenos Aires

/

Перайсці ў медыябанк

23 / 23

Медыцынскі работнік робіць сэлфі падчас ін'екцыі вакцыны Pfizer - BioNTech ад COVID-19 у ваенным шпіталі ў Сан-Нікалас-дэ-лас-Гарсія, Мексіка.

© REUTERS / Daniel Becerril

Фота Мультымедыя Тэхналогіі У свеце Грамадства каронавірус Вакцынацыя Увесь свет