МІНСК, 13 сту – Sputnik. Цэны на сыравіну ў розных сферах у мінулым годзе змяніліся, адпаведныя лічбы былі апублікаваныя Белстатам.
Індэкс цэн вытворцаў прамысловай прадукцыі ў снежні 2020 года ў параўнанні з аналагічным перыядам 2019 года вырас на 8%. Для параўнання - у 2019 годзе гэты паказчык, па дадзеных Нацбанка вырас на 4,4%.
Для пакупнікоў ёсць і добрыя навіны - індэкс цэн на спажывецкія тавары вырас не так значна, толькі на 4,1%.
Яшчэ большы рост прадэманстравалі цэны ў сферы сельскай гаспадаркі. У параўнанні са снежнем 2019 года яны падраслі ў сярэднім на 9,5%. У сферы раслінаводства рост цэн быў значней, чым у жывёлагадоўлі. Лічбы ў снежні 2019 года адносна 2018 года былі падобнымі - рост тады склаў, па дадзеных Нацбанка, 8%.
Паказаў рост індэкс цэн і ў сферы будаўніцтва. Так, у снежні 2020 года ў параўнанні з гэтым жа месяцам 2019 года цэны выраслі на 11,1%. Больш за ўсё падаражэла абсталяванне - на 12,3%.
Тарыфы на перавозку грузаў усімі відамі транспарту выраслі на 14,7%.
Менш за ўсё падаражэлі паслугі сувязі для юрыдычных асоб і індывідуальных прадпрымальнікаў - у параўнанні са снежнем 2019 года рост склаў толькі 3,8%.
Чытайце таксама:
- Беларусь апярэдзіла ўсіх у пастаўках бітуму на ўкраінскі рынак
- Лукашэнка прыняў Шэймана: Беларусь хоча будаваць трактарны завод у Афрыцы
- Экспарт беларускай сельгаспрадукцыі склаў 5,8 мільярда долараў