МІНСК, 26 сту – Sputnik. Расія і Беларусь ствараюць на беларускай тэрыторыі сумесную вытворчасць расійскай вакцыны ад каронавіруса, заявіў прэм'ер-міністр РФ Міхаіл Мішусцін падчас сустрэчы са сваім беларускім калегам Раманам Галоўчанка ў Маскве.
"4 студзеня мы перадалі чарговую партыю тэст-сістэм для дыягностыкі каронавіруснай інфекцыі, і па рашэнні прэзідэнта Расіі Уладзіміра Пуціна і прэзідэнта Беларусі Аляксандра Лукашэнкі ствараецца сумесная вытворчасць вакцыны супраць каронавіруса на тэрыторыі Беларусі", - сказаў кіраўнік кабміна РФ.
Супрацоўніцтва развіваецца
Сама ж сітуацыя з каронавірусам слаба паўплывала на гандлёвыя адносіны Масквы і Мінска, падкрэсліў Мішусцін. Ён дадаў, што гандлёва-эканамічнае супрацоўніцтва развіваецца: у 2019 годзе гандлёвы абарот перавышаў 35,5 мільярдаў долараў, Мінск займае першае месца сярод эканамічных партнёраў на прасторы СНД.
У сваю чаргу беларускі прэм'ер заявіў, што ў 2020 годзе зніжэнне гандлю з-за пандэміі ўсё ж было, краіны страцілі 20% аб'ёму.
"У гэтым годзе, мяркую, ёсць усе перадумовы, каб гэты спад пераадолець", - адзначыў Раман Галоўчанка.
На думку кіраўнікоў урадаў, галоўная задача - аднавіць рост тавараабароту і пераадолець усе наступствы каронавіруса.
Брацкія адносіны
Мішусцін назваў расійскія адносіны з Беларуссю брацкімі і выказаў зацікаўленасць у далейшым развіцці супрацоўніцтва, "трэба напоўніць новым зместам інтэграцыйнае ўзаемадзеянне ў Саюзнай дзяржаве".
"Важна ствараць максімальна камфортныя ўмовы для бізнесу дзвюх краін і, вядома, запускаць новыя кааперацыйныя праекты", - сказаў Мішусцін.
Ён дадаў, што Расія на першым месцы па назапашаных інвестыцыях у Беларусі: яны перавысілі 4 мільярды долараў, у Беларусі працуе 320 тысяч кампаній з расійскім удзелам.
Расійскі прэм'ер перакананы, што ў напрамку стварэння новых СП трэба рухацца і далей.
На сённяшні дзень самыя буйныя сумесныя праекты дзвюх краін - у машынабудаванні: у аўтамабільнай, сельскагаспадарчай, лесанарыхтоўчай тэхніцы.
Раней беларускі прэм'ер паведамляў аб жаданні выйсці ў бліжэйшы час на вытворчасць расійскай вакцыны ў Беларусі. Як адзначаў Раман Галоўчанка, гэта дасць краіне новыя магчымасці ў галіне мікрабіялогіі і фармацэўтыкі. А расійскі пасол у Мінску Дзмітрый Мезенцаў заяўляў, што сумесную вытворчасць вакцыны "Спутник V" у рэспубліцы могуць адкрыць ужо ў лютым-сакавіку.
Чытайце таксама:
- Расія дапаможа Беларусі ў барацьбе з COVID-19 - Захарава
- Пасол РФ: у лютым-сакавіку расійскую вакцыну пачнуць вырабляць у Беларусі
- Мінскія паліклінікі вывучаюць попыт на вакцынацыю ад каронавіруса