МІНСК, 12 сак – Sputnik. З-за моцнага ветру на тэрыторыі Беларусі 12 сакавіка абвешчаны аранжавы ўзровень небяспекі.
Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, у пятніцу на большай частцы краіны чакаюцца мокры снег і дождж, месцамі мяцеліца і галалёд. Будзе дзьмуць паўднёвы вецер, парывы якога дасягнуць месцамі 22 метры за секунду.
Якое будзе надвор'е ў выхадныя?
На большай частцы краіны чакаюцца кароткачасовыя дажджы, ноччу і раніцай слабыя туман і галалёд, вецер паўднёва-заходні. Уначы будзе ад мінус 4 да плюс 4 градусаў, днём - да 12 градусаў цяпла ў паўднёвых раёнах.
Цёплае надвор'е захаваецца і ў пачатку наступнага тыдня. Пры гэтым у шматлікіх рэгіёнах пройдуць ападкі, снег працягне актыўна раставаць.
Чытайце таксама:
- Усё ж вясна - да пятніцы ў Беларусь прыйдзе адліга
- Экстрэмальнае надвор'е чакае Еўропу - у гэтым вінаваты Гальфстрым
- ААН назвала 2021 год вырашальным для планеты