МІНСК, 17 сак – Sputnik. Еўразійская эканамічная камісія падрыхтавала дакумент, закліканы палегчыць узаемны доступ лекаў на рынкі ЕАЭС і Еўрасаюза, заявіла памочнік старшыні Калегіі ЕЭК Ія Малкіна на брыфінгу ў сераду.
Цяпер праект публічна абмяркоўваецца на прававым партале саюза.
"Абнаўленне правілаў абумоўлена вопытам маніторынгу бяспекі лекавых прэпаратаў і выяўлення іх неспрыяльнага ўздзеяння на чалавека", - сказала Малкіна.
Паводле яе слоў, гэта дазволіць забяспечыць узаемадзеянне двух рэгіянальных сістэм і спрасціць узаемны доступ лекаў на рынкі ЕАЭС і Еўрасаюза.
Абмяркоўваць новую рэдакцыю правіл будуць да 24 красавіка.
Якія лекі купляюць за мяжой?
Беларусы за мяжой набываюць прэпараты розных найменняў: для лячэння злаякасных пухлін, алергіі, аўтоіммунных захворванняў, прэпараты кардыягрупы.
Возяць медыкаменты у тым ліку з Расіі: просяць прывезці прэпараты чыгуначных праваднікоў, вадзіцеляў аўтобусаў, знаёмых, якія едуць на заробкі.
Выканаўчы дырэктар Асацыяцыі міжнародных фармацэўтычных вытворцаў у Беларусі Наталля Макеева каментуе сітуацыю так: "Лекі - гэта не проста тавар, які падабаецца. Калі чалавеку падыходзіць канкрэтны прэпарат пры сур'ёзным захворванні, то ён будзе шукаць менавіта яго, таму што змена прэпарата на аналаг, нават калі ён якасны, усё роўна дае некалькі іншы эфект".
Чытайце таксама:
- Рост цэн на некаторыя лекі і сацыяльна значныя тавары абмяжуюць
- Міністэрства аховы здароўя вядзе перамовы аб зніжэнні цэн на лекі
- Лукашэнка: галоўныя лекі - гэта настрой