МІНСК, 24 сак – Sputnik. Банкаўская сістэма рэспублікі годна прайшла праз выпрабаванні 2020 года, сказаў старшыня праўлення ААТ "Банк БелВЭБ" Васіль Мацюшэўскі ў індустрыяльным парку "Вялікі камень", перадае карэспандэнт Sputnik.
Адказваючы на пытанне карэспандэнта Sputnik пра тое, якую дапамогу ў мінулым годзе ва ўмовах дэфіцыту ліквіднасці аказвала Група ВЭБ, кіраўнік банка з расійскім капіталам адзначыў, што "так, сапраўды мы сутыкнуліся з адтокам сродкаў з рахункаў фізічных і юрыдычных асоб".
"Мы былі вымушаны звярнуцца па дапамогу да матчынага банка (расійская Група ВЭБ - Sputnik) якая была своечасова прадастаўлена", - падкрэсліў Васіль Мацюшэўскі.
Пасля чаго дадаў, што ў тым ліку банк звяртаўся па дапамогу да рэгулятара: "таму што эмісія беларускіх рублёў - выключнае права Нацыянальнага банка".
Пры гэтым кіраўнік БелВЭБ асабліва адзначыў, што гэтая дапамога была вернута своечасова рэгулятару ў пачатку снежня 2020 года, а матчынаму банку - у канцы мінулага года.
"Мінулы год стаў выклікам для банкаўскай сістэмы. Мы шчыра рады, што мы не падвялі нашых кліентаў, уласнікаў, рэгулятара. Мне здаецца, банкаўская сістэма дастаткова годна прайшла праз выпрабаванні 2020 года. Год быў вельмі неардынарны. Мы з такім (выклікам - Sputnik) ніколі не сутыкаліся ў суверэннай гісторыі", - канстатаваў старшыня праўлення банка.
На думку Васіля Мацюшэўскага, банк з гонарам прайшоў гэты перыяд. У бліжэйшы час уласнікам будзе прынята рашэнне аб дакапіталізацыяй банка, а таксама пашырэнні ліміту запазычання ў выпадку ўзнікнення неардынарных сітуацый.
Чытайце таксама:
- Экс-прэм'ер Беларусі можа ўвайсці ў назіральны савет расійскага банка
- Першае інтэрв'ю новага кіраўніка Белгазпрамбанка: стабільнасць банка аднаўляецца
- Прэм'ер Галоўчанка прадставіў новага кіраўніка Банка развіцця