МІНСК, 27 кра – Sputnik. Міністр абароны Беларусі генерал-лейтэнант Віктар Хрэнін распавёў аб нарошчванні кааліцыйных і нацыянальных узброеных сіл каля заходняй мяжы Беларусі, паведамляе прэс-служба Мінабароны.
Міністры абароны краін Арганізацыі дамовы аб калектыўнай бяспецы сустрэліся ў Таджыкістане. Беларусь на працоўнай нарадзе прадставіў Віктар Хрэнін, падчас дакладу ён распавёў калегам пра асноўныя крыніцы пагроз для дзяржаў - членаў Арганізацыі.
У ліку пагроз - дзейнасць заходніх дзяржаў па нарошчванню кааліцыйных і нацыянальных ваенных патэнцыялаў пры актыўным пашырэнні ЗША у Еўропе.
Занепакоенасць для краін АДКБ таксама выклікае шэраг незавершаных ваенных канфліктаў. У першую чаргу, гэта узброеныя супрацьстаянні ў Афганістане і Сірыі. Вялікая колькасць войск і ўзбраенняў у рэгіёнах пагражае спробамі дэстабілізацыі абстаноўкі на постсавецкай прасторы. Рызыкі міжнароднага тэрарызму застаюцца высокімі.
Што тычыцца Усходне-еўрапейскага кірунку, Віктар Хрэнін адзначыў, што цяпер рэгіён перажывае новы ўсплёск інфармацыйнай вайны. Маштабныя дзеянні накіраваны на дэстабілізацыю і арганізацыю каляровых рэвалюцый. У якасці прыкладу, міністр абароны Беларусі распавёў пра спробу канстытуцыйнага перавароту і звяржэння дзеючай улады.
Эксперты і даследчыкі зараз шукаюць шляхі нейтралізацыі пагроз на ўсёй прасторы АДКБ. Для адпрацоўкі практычных дзеянняў, ваенныя-саюзнікі правядуць шэраг вучэнняў. Манеўры разгорнуцца ў 2021 годзе ў Таджыкістане і Расіі. Сярод пытанняў па ўжыванні міратворчых сіл ці дзеянням разведкі, павышаная ўвага будзе нададзена выкарыстанню сродкаў радыёэлектроннай барацьбы, а таксама выяўленню "спячых агентаў".
Чытайце таксама:
- Разведвальныя цэнтры НАТА з'яўляюцца каля меж Саюзнай дзяржавы - Мінабароны
- Па якіх прынцыпах краіны АДКБ будуць рэгуляваць інтэрнэт - Выбарны
- Мінск прыме дадатковыя меры ў выпадку эскалацыі з боку Захаду - Мінабароны