МІНСК, 29 кра - Sputnik. Каляровыя літаграфіі знакамітага французскага мастака Анры Маціса і фотапалотны ўраджэнца Беларусі Аліка Замосціна прадстаўлены ў Мастацкай галерэі Міхаіла Савіцкага ў Мінску, экспазіцыя работ будзе доўжыцца да 20 чэрвеня.
Сярод майстроў культуры Заходняй Еўропы XX стагоддзя Анры Маціс займае выключнае месца - яго яркі талент шмат у чым вызначыў развіццё сучаснага выяўленчага мастацтва амаль ва ўсіх яго праявах.
Жанр партрэта заўсёды займаў асаблівае месца ў творчасці мастака, у праекце "Анры Маціс. Погляд" прадстаўлены 118 работ аўтара. Усе яны суправаджаюцца тэкстамі з яго артыкулаў, кніг, лістоў і разважанняў. Многія здаюцца зманліва простымі, аднак знаўцы кажуць аб "кідкай" прастаце.
Таксама ў праекце можна ўбачыць і ўнікальныя аплікацыі французскага майстра, якімі Маціс захапіўся ў апошнія гады жыцця. На выставе прадстаўлена адзіная кніга мастака "Джаз", якую ён сам напісаў і праілюстраваў.
У рамках праекта "Анры Маціс. Погляд" адкрылася таксама новая экспазіцыя вядомага фотамастака Аліка Замосціна "Лабірынт фарбаў".
Алік Замосцін вырас у Мінску, атрымаўшы інжынерную адукацыю, у 25 гадоў з'ехаў у Ізраіль, цяпер працуе таксама ў ЗША і Канадзе.
У калекцыі, прадстаўленай гледачам, 40 фотапалотнаў, якія адрозніваюцца ад ранейшых прац аўтара. Наведвальнікі могуць убачыць творы розных жанраў: партрэты, пейзажы, сюжэтныя сюррэалістычныя кампазіцыі.
Чытайце таксама:
- Леанід Марчанка: мастацтва, поўнае паветра і святла
- Беларуска з Германіі прывезла ў Мінск калекцыю мастакоў Парыжскай школы
- Чаму Пікаса малюе лепш, чым ваша дзіця