МІНСК, 31 тра - Sputnik. Знешні дзяржаўны доўг Беларусі склаў 18,1 мільярды долараў па стане на 1 тращня - такі ж паказчык быў і месяц таму, паведамілі ў Мінфіне рэспублікі.
З пачатку года ён зменшыўся на паўмільярды долараў (з улікам курсавых розніц) або на 2,5%. За студзень-красавік беларускі ўрад прыцягнуў знешнія пазыкі ў расійскага ўраду (123,2 млн долараў), Міжнароднага банка рэканструкцыі і развіцця (49, 6 млн долараў), Экспартна-імпартнага банка Кітая (8,3 млн долараў), а таксама ЕБРР і Паўночнага інвестыцыйнага банка (1,9 млн долараў).
За чатыры месяцы дзяржава пагасіла знешніх пазык на суму 637,9 млн долараў - гэта амаль у 3,5 разы больш, чым прыцягнула.
Што тычыцца ўнутранага дзярждоўгу, то на 1 траўня ён склаў 11,7 мільярды рублёў. У параўнанні з сакавіцкім паказчыкам ён зменшыўся на 0,2 млрд рублёў. А з пачатку года павялічыўся на за 1,8 млрд рублёў (з улікам курсавых розніц), або на 18,2%. Улады краіны за чатыры месяцы размясцілі ўнутраных валютных і рублёвых дзяржаўных аблігацый для юрыдычных асоб і фізічных асоб на суму, эквівалентную 726,7 млн долараў.
Дзяржаўны доўг Беларусі на 1 траўня склаў 58,1 млрд рублёў і павялічыўся ў параўнанні з пачаткам 2021 года на 0,3 млрд рублёў. За мінулы месяц ён скараціўся на 1,2 мільярды.
Чытайце таксама: