МІНСК, 10 чэр - Sputnik. Міністэрства адукацыі рэспублікі рэкамендавала правесці выпускныя вечары ў сярэдніх навучальных установах 10 чэрвеня.
Эпідэміялагічная сітуацыя прывяла да таго, што профільнае ведамства не рэкамендуе праводзіць выпускныя вечары ў буйных забаўляльных комплексах.
У міністэрстве адукацыі лічаць, што для гэтага падыходзяць больш камерныя варыянты, напрыклад, непасрэдна ў сценах устаноў адукацыі. Такі фармат імпрэзы нядрэнна сябе зарэкамендаваў у мінулым годзе.
Пры гэтым прапануецца не прыцягваць для забаў людзей з боку, а сіламі навучэнцаў арганізоўваць уласныя школьныя капуснікі.
У выключных выпадках чыноўнікі прапануюць задзейнічаць установы дадатковай адукацыі дзяцей і моладзі, а таксама установы культуры, калі па аб'ектыўных прычынах правесці дадзенае мерапрыемства ў школе немагчыма.
Час, працягласць і месца правядзення мерапрыемстваў вызначаецца кіраўніком установы адукацыі з удзелам бацькоўскага камітэта і па ўзгадненні з органамі ўлады.
Урачыстая цырымонія ўручэння атэстатаў, як правіла, пачынаецца ўвечары, затым учарашніх школьнікаў чакаюць забавы, якія могуць зацягнуцца да раніцы. У дзень выпускных у рэспубліцы традыцыйна забараняецца продаж алкаголю.
Чытайце таксама: