МІНСК, 5 ліп - Sputnik. Штармавое папярэджанне аб'яўлена ў Беларусі на панядзелак 5 ліпеня - чакаюцца моцныя дажджы і навальніцы, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Сіноптыкі аб'яўляюць розныя ўзроўні небяспекі ўжо практычна тыдзень - у рэспубліцы няўстойлівае надвор'е: ідуць дажджы, часам моцныя і з градам.
"У панядзелак 5 ліпеня месцамі, пераважна па паўднёвай палове рэспублікі, чакаюцца навальніцы", - сказалі ў Белгідрамеце.
Па дадзеных сіноптыкаў, тэмпература паветра 5 ліпеня ў краіне падымецца вышэй +25°С: цяплей за ўсё, як чакаецца, будзе ў Гомельскай вобласці - да +28°С.