"Падарожнічаю без COVID-19": як працуе дадатак?

Мабільную платформу прыдумалі, каб грамадзянам краін Еўразійскага эканамічнага саюза, у які ўваходзіць і Беларусь, было прасцей перасоўвацца па тэрыторыі аб'яднання. Sputnik вывучыў нюансы і даведаўся асаблівасці новага сэрвісу.

Сэрвіс дае актуальныя правілы перасячэння мяжы ва ўмовах пандэміі, адрасы і кантакты бліжэйшых акрэдытаваных лабараторый, вынікі тэсціравання якіх патрапяць у адзіную сістэму ЕАЭС. Можна ўносіць дадзеныя некалькіх чалавек, што зручна пры падарожжы сям'ёй. У пункце пропуску дастаткова будзе паказаць атрыманы ў электронным выглядзе адмоўны вынік тэсту.

Беларусь далучылася да праекту ў сакавіку 2021 года. Фарміраваць базу дадзеных у рэспубліцы і перадаваць звесткі ў адзіную сістэму будзе Нацыянальны цэнтр электронных паслуг пры садзейнічанні Міністэрства аховы здароўя.

Спампаваць дадатак можна бясплатна на Google Play і App Store. У працэсе ўстаноўкі неабходна:

У лабараторыі трэба пацвердзіць подпісам сваю згоду на працэдуру і на тое, што вынік прыйдзе ў дадатак. Пасля даследавання кліенту дадуць дакумент з QR-кодам, які неабходна адсканаваць праз дадатак.

З адмоўным тэстам можна без праблем і папяровай цяганіны перамяшчацца ў межах ЕАЭС. Адпаведна, трапіць з праграмай у Расію беларусы змогуць не толькі са сваёй краіны, але і з Арменіі, Казахстана, Таджыкістана і Кыргызстана.

Плануецца, што з верасня патрабаванне стане абавязковым і для жыхароў краін СНД. Да 10 ліпеня дадатак быў неабходнай умовай толькі пры пералётах.

Ёсць і адно важнае ўдакладненне: рызыкі, звязаныя з няспраўнай працай дадатка, нясе карыстальнік. Некарэктная праца сэрвісу можа быць звязаная з мадэллю тэлефона. Таму лепш праверыць платформу загадзя.