МІНСК, 16 ліп – Sputnik. Пракуроры запатрабавалі закрыць небяспечныя для купання месцы, каб скараціць колькасць трагедый падчас летняга сезона, паведамілі напярэдадні ў Генеральнай пракуратуры Беларусі.
Паводле інфармацыі "Таварыства ратавання на водах" (ТРВОД), у студзені-чэрвені 2021 года на вадаёмах рэспублікі патануў 201 грамадзянін з іх 25 дзяцей. У бягучым годзе намецілася негатыўная тэндэнцыя значнага (у 3,5 разы) росту колькасці непаўналетніх, якія патанулі ў вадаёмах.
"Большасць вадаёмаў, дзе найбольш часта фіксаваліся здарэнні, не мелі афіцыйнага статусу месцаў адпачынку, яны не былі абсталяваны выратавальнымі станцыямі", - заявілі ў Генпракуратуры.
Там таксама прывялі лічбы, як расце колькасць стыхійных пляжаў: з 2015 года колькасць афіцыйна дзеючых месцаў адпачынку на вадзе ў рэспубліцы скарацілася з 560 да 421, гэта значыць амаль на чвэрць.
"Скарачэнне колькасці пляжаў стварае перадумовы для выкарыстання грамадзянамі месцаў, не прызначаных для купання", - падкрэслілі ў галоўным наглядным ведамстве.
У Генпракуратуры прывялі ў прыклад дамбу вадасховішча Дразды. "Гэта упадабанае месца летняга адпачынку мінчан, дзе адпачываючыя скачуць з небяспечнай вышыні ў ваду, каля 10 метраў. Тут штогод рэгіструюцца факты траўміравання з цяжкімі наступствамі. У 2018-2020 гадах траўмы атрымалі 14 чалавек і адзін патануў", - сказалі ў ведамстве.
Пры гэтым там асабліва падкрэслілі, што тэрыторыя дамбы не агароджана, належныя мерапрыемствы па абмежаванні доступу старонніх да збудавання не арганізаваны.
Генеральная пракуратура прапанавала Савету міністраў вызначыць у кожным раёне краіны патэнцыйна небяспечныя аб'екты для купання і закрыць іх.
Чытайце таксама:
Мікробы, багавінне і спякота: у Беларусі цалкам закрылі для купання 13 пляжаў
Сіноптыкі б'юць трывогу: узровень вады моцна ўпадзе ў Бярэзіне
Да +34 градусаў: спякота да канца тыдня не спадзе