Мікробы, багавінне і спякота: у Беларусі цалкам закрылі для купання 13 пляжаў
© Sputnik / Виктор Толочко
Падпісацца
У Мінску і яго ваколіцах не закрыты ні адзін пляж, але на Камсамольскім возеры, вадасховішчах Цнянка і Дразды ідзе ўборка багавіння спецыяльнай тэхнікай.
МІНСК, 11 ліп – Sputnik. Санітарна-эпідэміялагічная служба ўвяла поўную забарону на купанне на 13 пляжах і абмежавала купанне на 7 пляжах, паведамілі ў Рэспубліканскім цэнтра гігіены, эпідэміялогіі і грамадскага здароўя.
"Былі праведзены абследаванні больш за 340 зон рэкрэацыі, даследавана 780 проб вады, з іх не адпавядалі гігіенічным нарматывам 34 пробы па мікрабіялагічных і 5 проб па санітарна-хімічных паказчыках", - паведамілі ў цэнтры.
На падставе вынікаў лабараторнага кантролю тэрытарыяльнымі ўстановамі дзяржаўнага санітарнага нагляду мясцовым уладам, суб'ектам гаспадарання, у падпарадкаванні якіх знаходзяцца зоны рэкрэацыі, рэкамендавана абмежаваць купанне для дзяцей у 7 зонах рэкрэацыі:
у Брэсцкай вобласці гэта цэнтральны пляж возера Алтушскае ў вёсцы Алтуш Маларыцкага раёна;
у Гомельскай вобласці: пляж "Каскад-1" па вул. П. Броўкі (з боку вул. Каменшчыкава) Гомеля; пляж на вадаёме ў вёсцы Аляксандраўка Жлобінскага раёна;
у Мінскай вобласці: пляжная зона вадаёма ў вёсцы Саковічы Салігорскага раёна; зона адпачынку на рацэ Случ у раёне 11 гарадка па вул. Сацыялістычнай Слуцка; зона адпачынку на вадасховішчы "Рудня" ў вёсцы Рудня Слуцкага раёна;
у Магілёўскай вобласці: пляж на рацэ Днепр, вёска Палыкавічы Магілёўскага раёна.
Спецыялісты таксама рэкамендавалі прыпыніць купанне дзяцей і дарослых з магчымасцю займання воднымі відамі спорту:
на гарадскім пляжы на рацэ Днепр у парку культуры і адпачынку "Прыдняпроўскі" ў Жлобіне;
у зоне адпачынку на возеры Свіцязь Навагрудскага раёна.
Цалкам забаронена купанне і займанне водным спортам на гарадской сажалцы ў Калінкавічах і ў зоне адпачынку на возеры "Юбілейнае" у Гродне.
Больш за ўсё закрыта пляжаў у Магілёўскай вобласці:
пляж на рацэ Бася па вул. Верхнеялоўская ў Чавусах;
пляж № 1 "Цэнтральны" Бабруйска;
пляж № 2 у мікрараёне № 6 Бабруйска;
пляж санаторыя імя Леніна ў Бабруйску;
пляж санаторыя "Шыннік" Бабруйска;
пляж Грэбенеўскага вадасховішча ў Магілёве;
гарадскі пляж ракі Днепр у Магілёве;
пляж Пячэрскага возера ў Магілёве;
пляж Вільчыцкага вадасховішча, вёска Вільчыцы Магілёўскага раёна.
У Мінску і яго ваколіцах не закрыта ні аднаго пляжа - на Камсамольскім возеры і Мінскім моры - вялікая колькасць адпачываючых.
У сваю чаргу ў Мінсквадаканале паведамілі, што ў такую спякоту актыўна разраслося багавінне на вадаёмах. Раку Свіслач, вадасховішча Дразды, Цнянскае і Камсамольскае возера чысцяць ад расліннасці - багавінне косіць спецыяльная тэхніка.
Чытайце таксама:
Грузія ці Турцыя? Колькі каштуе бліжэйшы адпачынак на моры для беларусаў
Ад жоўтага да аранжавага: у выхадныя ў Беларусі будзе вельмі горача
Што намазаць? Доктар Камароўскі пералічыў правілы абароны ад сонца
Да +50 градусаў: Ірак і Сірыя знемагаюць ад анамальнай спёкі
