МІНСК, 20 ліп - Sputnik. У беларускіх ВНУ і ССНУ ў аўторак, 20 ліпеня, стартуе прыёмная кампанія, распавялі Sputnik ў Мінадукацыі.
Падаць дакументы ў вышэйшыя навучальныя ўстановы абітурыенты змогуць да 26 ліпеня. Гэта тычыцца тых, хто паступае як на дзённую форму навучання, так і на "завочку". Калі разглядаць платнае навучанне, то дакументы ў прыёмную камісію можна прынесці аж да 9 жніўня. Праўда, для некаторых ВНУ гэтыя тэрміны могуць адрознівацца: напрыклад, у Акадэміі МУС і Універсітэце грамадзянскай абароны МНС прыём будзе доўжыцца да 5 жніўня.
У гэтым годзе на два дні падаўжаецца прыём дакументаў ад абітурыентаў у ВНУ на сельскагаспадарчыя спецыяльнасці - да 28 ліпеня. І толькі два дні адведзена на прыём ад выпускнікоў педагагічных і аграрных класаў, якія паступаюць па сумоўі (без ЦТ).
Унутраныя уступныя экзамены (спартыўныя і творчыя) пройдуць у Акадэміі МУС, Ваеннай акадэміі, УГЗ МУС, БДУФК, БДАМ, БДАМ, БДУКМ з 27 ліпеня па 4 жніўня. Толькі пасля гэтага стануць вядомыя прахадныя балы. Яны будуць фарміравацца па балу апошніхабітурыентаў, залічаных на спецыяльнасць па конкурсе.
Прыёмная кампанія ў каледжах
Тым, хто паступае ў каледжы прынесці дакументы трэба з 20 ліпеня па 3 жніўня - тым, хто плануе паступіць на бюджэт, і па 14 жніўня - на платнае. Там, дзе ёсць уступныя выпрабаванні, яны пройдуць з 4 па 8 жніўня.
Якія дакументы патрэбны для паступлення?
Пры падачы дакументаў патрэбныя:
пашпарт,
медыцынская даведка,
сертыфікаты аб праходжанні ЦТ (для тых, хто паступае ў ВНУ),
атэстат сталасці (выдаецца ў школе пасля 9-га і 11-га класаў),
фотаздымак 3х4,
льготы і дыпломы (калі ёсць).
У гэтым годзе многія ВНУ з-за эпідсітуацыі спрасцілі працэдуру падачы дакументаў. Зараз асабістае партфоліа можна сабраць анлайн і "заліць" у асабісты кабінет на сайце ВНУ. Прыйсці трэба будзе толькі раз на вочную сустрэчу з прыёмнай камісіяй.
Тэрміны залічэння
У асноўны набор залічэнне на бюджэт адбудзецца да 5 жніўня, на платнае - да 11 жніўня. Да 6 жніўня тэрмін залічэння падоўжаны для тых, хто паступае на творчыя спецыяльнасці. Даўжэй працягнецца прыём дакументаў на платную форму навучання - да 15 жніўня.
План прыёму ў 2021 годзе
У гэтым годзе 50 устаноў вышэйшай адукацыі набяруць студэнтаў больш чым на 340 спецыяльнасцяў. У план прыёму ў ВНУ ўключаны каля 55 тысяч чалавек - гэта на 4 тысячы больш, чым у 2020-м. На бюджэце, па планах, будуць вучыцца крыху больш за палову - 27 800 чалавек. У гэтым годзе больш бюджэтнікаў будуць браць на медыцынскія, тэхнічныя і некаторыя педагагічныя спецыяльнасці.
ССНУ плануюць набраць каля 39 тысяч абітурыентаў, з іх больш за 24 тысяч залічаць на бюджэт.
Чытайце таксама:
ЦТ сёлета на 100 балаў здалі 377 абітурыентаў
Петрышэнка падвёў вынікі першага этапу ўступнай кампаніі
Мінадукацыі падвяло прамежныя вынікі ЦТ-2021