МІНСК, 26 ліп - Sputnik. Беларусы Ілля Шымановіч на дыстанцыі 100 метраў брасам і Анастасія Шкурдай на 100 метраў батэрфляем не змаглі заваяваць медалёў на Алімпійскіх гульнях у Токіа, паведамляе Sputnik.
Шымановіч паказаў восьмы час у вырашальным заплыве - 59,36 секунды. Першым стаў брытанец Адам Піці(57,37). Беларускі атлет застаўся незадаволены вынікам і адмовіўся ад каментароў.
Шкурдай на дыстанцыі 100 метраў батэрфляем таксама спынілася на восьмай пазіцыі - (57,05). На вышэйшую прыступку п'едэстала гонару ўзнялася канадская спартсменка Маргарэт Макніл (55,59).
Беларуска падкрэсліла, што рада была прабіцца ў фінал Алімпіяды.
"Можа не атрымалася палепшыць свой асабісты вынік (56,95), але, думаю, усё наперадзе. Яшчэ ў Токіа паплыву дзве эстафеты і 100-метроўку вольным стылем. На "сотцы" хачу праверыць свае сілы, хуткасць разам з лепшымі плывунамі свету. Даўно ўжо асвоілася і гатова плыць побач са знакамітымі атлетамі", - цытуе спартсменку НАК Беларусі.
Раней абодва беларускія спартсмены выйшлі ў фінал Алімпіяды. Шымановіч пераадолеў паўфінальную стадыю турніру па плаванні з вынікам 59,08 секунд, Шкурдай - 57,19 секунд.
Нагадаем, што на Алімпійскія Гульнях у Токіа ўпершыню будуць разыграны таксама медалі ў плаванні на 800 метраў вольным стылем у мужчын, у плаванні на 1500 метраў у жанчын і ў змяшанай камбінаванай эстафеце 4 × 100 метраў.
Чытайце таксама:
Плывец Ілля Шымановіч выйшаў у фінал Алімпіяды
Беларуская плыўчыха Анастасія Шкурдай выйшла ў фінал Алімпійскіх Гульняў
Сабаленка стартавала з перамогі на Алімпіядзе ў Токіа