МІНСК, 28 ліп – Sputnik. Генеральны пракурор Беларусі Андрэй Швед накіраваў у Вярхоўны суд заяву аб прызнанні фарміравання "Атрады грамадзянскай самаабароны Беларусі" тэрарыстычнай арганізацыяй і забароне яе дзейнасці на тэрыторыі краіны. Пра гэта паведаміла афіцыйны прадстаўнік Генпракуратуры Анжаліка Курчак.
Дадзенае фарміраванне створана ў верасні 2020 года пад кіраўніцтвам грамадзяніна Германіі Дзяніса Хофмана.
"Мэта дзейнасці - аб'яднанне радыкальна настроеных грамадзян для ўдзелу ў мерапрыемствах па гвалтоўнай змене дзяржаўнай улады і тэрактах у Беларусі", - паведаміла журналістам Курчак.
Паводле яе слоў, па фактах здзяйснення членамі гэтай арганізацыі тэрактаў узбуджаны і расследуюцца крымінальныя справы па артыкулах 289 (акт тэрарызму) і 359 (акт тэрарызму ў дачыненні да дзяржаўнага або грамадскага дзеяча) КК Беларусі.
Афіцыйны прадстаўнік Генпракуратуры адзначыла, што для вярбоўкі і сувязі з прыхільнікамі, а таксама сумеснага здзяйснення злачынстваў былі створаны Telegram-каналы і чаты. Праз іх навучалі, як збіраць самаробныя выбуховыя прылады, а таксама тактыцы сілавога процідзеяння праваахоўнікам.
"У якасці каардынатараў злачыннай дзейнасці выступалі грамадзяне краін Еўрасаюза і пражываючыя там грамадзяне Беларусі. З красавіка 2021 года ў супольнасці абмяркоўвалі і планавалі мерапрыемствы па падпале і падрыву будынкаў, збудаванняў, аўтатранспарту", - падкрэсліла Курчак.
Спячыя ячэйкі
У пачатку ліпеня прэзідэнт Беларусі Аляксандр Лукашэнка заявіў, што беларускія спецслужбы выявілі "спячыя" тэрарыстычныя ячэйкі, так званыя атрады самаабароны, з якімі звязаны краіны Захаду - Германія, ЗША, Польшча, Літва, а таксама Украіна. Паводле яго слоў, аб'ядноўваюць удзельнікаў атрадаў самаабароны Telegram-супольнасці дэструктыўнай скіраванасці.
Лукашэнка падкрэсліў тады, што мэтай гэтых атрадаў была гвалтоўная змена ўлады ў краіне. Акрамя гэтага, яны спрабавалі падарваць вузел сувязі Ваенна-марскога флоту Расіі ў беларускім горадзе Вілейка, арганізавалі замах на журналіста дзяржаўнага тэлеканала СТБ Рыгора Азаронка.
Праз некалькі дзён МЗС Беларусі афіцыйна праінфармавала Берлін аб грамадзяніне Германіі Дзянісе Хофмане, які кіраваў прызнаным у краіне экстрэмісцкім telegram-каналам "Атрады грамадзянскай самаабароны Беларусі" і, па версіі беларускіх спецслужбаў, планаваў тэракты ў рэспубліцы.
Чытайце таксама:
Швед: Беларусь не атрымлівала ад ЕС адказаў на запыты аб выдачы апазіцыянераў
Генпракурор: у дачыненні да Ціханоўскай і BYPOL распачата справа за тэрарызм
Генпракуратура: проста крытыка ўлады не будзе выклікаць крымінальнай адказнасці
Генпракурор: у Беларусі ў 2020 годзе была зроблена спроба дзяржаўнага перавароту
Следства па справе аб дзяржперавароце ў Беларусі падоўжана да кастрычніка