МАЗЫР, 28 чэр - Sputnik. Расія і Беларусь не маюць праблем ва ўзаемаадносінах, сказаў пасол Расіі Яўген Лук'янаў падчас наведвання Мазырскага НПЗ, перадае карэспандэнт Sputnik.
Паводле яго слоў, сучасны нафтаперапрацоўчы завод уяўляе сабою сапраўдны механізм.
"Гэтае прадпрыемства цікава тым, што звязана з партнёрамі ў Расіі. Нашы адносіны ў эканоміцы ўвесь час маюць патрэбу ў аператыўнай увазе", - адзначыў кіраўнік расійскай дыпмісіі.
На яго думку, у адносінах паміж Расіяй і Беларуссю няма праблем, але краінам трэба інтэгравацца ў эканоміцы. Прычым усё павінна быць выбудавана такім чынам, каб атрымаўся кумулятыўны эфект і гэта было карысна для людзей у дзвюх краінах.
"Тут павінен быць эвалюцыйны працэс", - выказаў упэўненасць Яўген Лук'янаў.
Пасля чаго ў якасці прыкладу прывёў супрацоўніцтва, якое складаецца ў МНПЗ з расійскімі прадпрыемствамі. Цяпер на заводзе завяршаецца мадэрнізацыя, для якой патрабуецца шмат металу. Неабходны рэсурс пастаўляецца ў Мазыр з Чарапаўца.
"Для нас "Северсталь"- гэта вельмі сур'ёзнае прадпрыемства. Яно пастаўляе сюды метал, з якога ствараюцца канструкцыі. Гэта азначае, што ёсць гарызантальныя сувязі двух буйных прадпрыемстваў. Калі яны існуюць, значыць яны ўзаемавыгадныя", - канстатаваў ён.
У сваю чаргу генеральны дырэктар МНПЗ Віталь Паўлаў распавёў расійскаму паслу, што на прадпрыемстве ў цяперашні час працуе каля 5300 чалавек, пры гэтым сярэдні ўзрост супрацоўніка складае 39 гадоў, а сярэдняя зарплата - 2400 рублёў.
Паводле слоў гендырэктара, Мазырскі НПЗ знаходзіцца ў завяршальнай стадыі рэалізацыі праекта па мадэрнізацыі вытворчасці. Пасля яго рэалізацыі завод дасягне 90% глыбіні перапрацоўкі нафты.
Віталь Паўлаў адзначыў, што МНПЗ атрымлівае з Расіі не толькі нафту, але таксама трубы і розныя віды абсталявання.
Чытайце таксама:
Лук'янаў: Расія і Беларусь не канкурэнты адна адной
Лук'янаў: "беларускія прадукты" - гэта сапраўдны брэнд у Расіі
Пасол РФ наведаў татарскія могілкі і "намоленае месца" ў Жыровічах