МІНСК, 2 жні – Sputnik. Нестабільнае надвор'е прагназіруюць сіноптыкі Белгідрамета на бліжэйшы тыдзень у Беларусі.
Першы панядзелак жніўня пройдзе з навальніцамі і дажджамі, асабліва раніцай. Парывы ветру месцамі будуць дасягаць 15-20 м/с. Метэаролагі аб'явілі на 2 жніўня аранжавы ўзровень небяспекі.
Днём воблачна, па большай частцы тэрыторыі краіны дажджы. Тэмпература паветра днём да +19°С .. +25°С, па паўднёвым усходзе - да +30°С. У Мінску раніцай і днём 2 жніўня будзе назірацца ўзмацненне ветру парывамі да 20 м/с.
У аўторак, 3 жніўня, у асобных раёнах пройдуць дажджы, магчымы навальніцы. Тэмпература паветра ўначы ад +12°С да +18°С, днём у паўднёвых раёнах прагназіруюць да +27.
У сярэдзіне тыдня захаваецца пераважна дажджлівае надвор'е. У асобных раёнах магчымы навальніцы. Тэмпература паветра ўначы ад +11°С да +16°С, днём прагназуюць да 26 цяпла.
У другой палове тыдня дажджы і навальніцы пройдуць на большай частцы тэрыторыі рэспублікі. Пры навальніцах будуць моцныя ліўні, сіноптыкі не выключаюць град. Тэмпература паветра ў начны час ад +13°С да +18°С, днём у чацвер, 5 жніўня, чакаецца па краіне ад +16°С да +24°С.
У Мінску ў чацвер воблачна з праясненнямі. Моцны дождж. Навальніца і да +20°С днём.
У пятніцу, 6 жніўня, па большай частцы тэрыторыі краіны пройдзе дождж з навальніцамі. Ноччу тэмпература месцамі можа апусціцца да 13°С. Днём паветра прагрэецца да +22°С.
У першы выхадны жніўня ноччу будзе ад +11°С да +17°С, днём у суботу прагназуюць да +24°С. Яснае надвор'е, без ападкаў.
У нядзелю, 8 жніўня, ападкаў таксама не прагназуюцца, месцамі воблачна. Днём па краіне ад +19°С да +24°С.
Чытайце таксама:
Увазе турыстаў - на Егіпет насоўваецца анамальная спякота
Зноў у пошуках вентылятараў: што крамы прапануюць у спякоту
Як ратавацца ад спёкі? Лепшыя беларускія халодныя напоі