ГОМЕЛЬ, 5 жні – Sputnik. Беларускія парламентарыі працуюць над законапраектамі, звязанымі з праблемамі ўжывання і распаўсюджвання наркотыкаў, пра гэта паведаміла старшыня Савета Рэспублікі Нацыянальнага схода Беларусі Наталля Качанава падчас наведвання жаночай папраўчай калоніі ў Гомелі.
Па словах спікера верхняй палаты парламента, да заканадаўцаў звяртаецца вялікая колькасць бацькоў з прапановамі змяніць некаторыя пункты ў Крымінальным кодэксе па частцы пакарання за ўжыванне і распаўсюджванне наркатычных рэчываў, у тым ліку непаўналетнімі дзецьмі.
"Мы працуем над гэтымі законапраектамі, звязанымі з гэтымі пытаннямі. Мы павінны ведаць сітуацыю знутры. ...Гучаць прапановы па ўдасканаленні заканадаўства ў дадзенай часткі. Учора ў мяне была сустрэча з мамамі (дзеці якіх асуджаны па артыкуле 328 КК РБ - Sputnik), якія агучваюць ідэі па гэтай частцы, таму я тут, каб вывучыць гэтую сітуацыю на месцы", - заявіла Качанава.
Таксама старшыня Савета Рэспублікі звярнула ўвагу і на праблему наркатычнай, алкагольнай залежнасці сярод тых, хто адбывае пакаранне ў папраўчых установах.
"Калі 40% жанчын пакутуюць у калоніях той ці іншай залежнасцю, то гэта бяда. З гэтым трэба працаваць у комплексе. І важна, што тут (у папраўчай калоніі №4 - Sputnik) і адкрыўся рэабілітацыйны цэнтр для такіх жанчын, я задаволена гэтым, рэабілітацыя ад наркатычнай залежнасці - важны аспект", - адзначыла спікер Савета Рэспублікі.
Нагадаем, што падчас паездкі па Гомельскай вобласці Наталля Качанава наведала выпраўленчую ўстанову "Папраўчая калонія №4" упраўлення Дэпартамента выканання пакаранняў Міністэрства ўнутраных спраў па Гомельскай вобласці.
Спікер верхняй палаты парламента наведала ўчастак для ўтрымання непаўналетніх, інтэрнат для пражывання асуджаных маці з дзецьмі. Азнаёмілася з умовамі знаходжання дзяцей да 3-х гадоў у Доме дзіцяці, размешчаным на тэрыторыі калоніі. Таксама Наталля Качанава вывучыла дзейнасць рэабілітацыйнага цэнтра для асуджаных з залежнасцю ад псіхаактыўных рэчываў.
Чытайце таксама:
Крытэрыі памілавання асуджаных за збыт наркотыкаў прапрацоўваюць у Беларусі
Качанава: за наркотыкі павінна быць справядлівае пакаранне
Ці праўда, што службовыя сабакі атрымліваюць дозу наркотыкаў