У Токіа згас агонь XXXII летніх Алімпійскіх гульняў. Цырымонія закрыцця прайшла на Нацыянальным стадыёне. З-за пандэміі каронавіруснай інфекцыі гледачоў на трыбуны не пусцілі.
Нягледзячы на тое, што цырымонія супала з нацыянальным святам - Днём гор, які многія японцы праводзяць на прыродзе, і выхадны дзень, натоўпаў людзей нават у звычайна ажыўленых раёнах не назіралася. Але ж да пачатку свята тысячы японцаў падышлі да галоўнай арэны Алімпіяды. Яны глядзелі салют і здымалі на мабільныя тэлефоны маляўнічае прадстаўленне ў начным такійскім небе.
Паліцыя ўважліва сачыла, каб ніхто не пранік за агароджу. Аб інцыдэнтах у прэсе не паведамляецца.
Гульні ў Токіа прайшлі з 23 ліпеня па 8 жніўня. Па апытаннях грамадскай думкі, большасць жыхароў Краіны ўзыходзячага сонца былі супраць Алімпіяды ва ўмовах сусветнай пандэміі.
Чытайце таксама:
Токіа, бывай! У сталіцы Японіі згас агонь Алімпійскіх гульняў
Алімпіяда ў Токіо: кур'ёзы, скандалы і крыху пра вынікі
Ад 22 да 7 медалёў: хроніка выступленняў беларусаў на летніх Алімпіядах
У Парыжы не змаглі падняць алімпійскі сцяг з-за надвор'я