МІНСК, 9 жні – Sputnik. Беларуская лёгкаатлетка Крысціна Ціманоўская выставіла на інтэрнэт-таргі ebay сярэбраны медаль, заваяваны ў бегу на 100 метраў на Еўрапейскіх гульнях 2019 года.
Лот выстаўлены на продаж за 5 тысяч долараў. Пакуль ім зацікавіўся толькі адзін патэнцыйны пакупнік, які прыняў гэтую стаўку. Каб прыняць наступную стаўку, трэба даплаціць 100 долараў. Аўкцыён будзе доўжыцца 10 дзён.
У апісанні да лота паказана, што медаль знаходзіцца ў Кіеве, пры гэтым сама Ціманоўская - у Варшаве.
Інцыдэнт з Ціманоўской
Нагадаем, што лёгкаатлетка павінна была выступіць на Алімпіядзе ў Токіа ў бегу на дыстанцыях 100 і 200 метраў. Але пасля таго як двух беларускіх спартсменак адхілілі ад удзелу ў эстафеце 4х400 метраў з-за адсутнасці неабходнай колькасці допінг-проб, трэнеры вырашылі задзейнічаць Ціманоўскую ў гэтым забегу.
Бягуха выказалася на гэты конт у сацсетках, пасля гэтага трэнеры заявілі, што яна спыняе ўдзел у Гульнях "у сувязі з эмацыянальна-псіхалагічным станам".
Сама спартсменка заявіла СМІ, што мае намер прасіць прытулку ў Еўропе, звярнулася да Міжнароднага алімпійскага камітэта з просьбай дапамагчы ёй. Па словах Ціманоўскай, на яе быў аказаны ціск і спартсменку спрабавалі вывезці з Японіі без яе згоды.
Польшча выдала беларускай лёгкаатлетцы гуманітарную візу. Ціманоўская 4 жніўня прыляцела з Токіа ў Вену, а з аўстрыйскай сталіцы адправілася ў Варшаву, дзе і знаходзіцца цяпер.
Чытайце таксама:
НАК адрэагаваў на пазбаўленне акрэдытацыі двух беларусаў на Алімпіядзе
Ціманоўская здзіўлена, што яе сітуацыя стала палітычным скандалам
МАК аб сітуацыі з Ціманоўскай: дысцыплінарныя санкцыі яшчэ надыдуць
МАК атрымаў даклад Мінска па сітуацыі з бягухай Ціманоўскай
CAS адхіліў запыт Ціманоўскай на адмену рашэння НАК Беларусі аб яе адхіленні