МІНСК, 11 жні – Sputnik. У Беларусі за мінулыя суткі 966 новых выпадкаў заражэння каронавіруснай інфекцыяй, паведамілі ў прэс-службе Міністэрства аховы здароўя рэспублікі.
З бальніц выпісаны за 24 гадзіны 1 062 пацыенты, памерлі ад ускладненняў, звязаных з вірусам, 11 чалавек. Лабараторыі правялі 20 129 тэстаў.
Ад пачатку пандэміі беларускія медыкі зарэгістравалі 456 247 выпадкаў заражэння. Больш за 450 тыс чалавек ужо цалкам вылечыліся, 3 562 беларусы - памерлі. Каля 2,5 тысячы чалавек цяпер знаходзяцца ў актыўнай стадыі лячэння хваробы. За ўвесь час у краіне здейснена 7 млн 463 тыс 902 тэсты.
Як ідзе вакцынацыя ў краіне?
Па статыстыцы міністэрства, больш 1,464 млн беларусаў атрымалі першую дозу антыкавіднай вакцыны - гэта кожны шосты жыхар краіны. Больш 1,130 млн чалавек прышчапіліся цалкам.
Нагадаем, у Беларусі даступны два прэпараты ад каронавіруса - расійскі "Спутник V" і кітайскі Vero Cell ад кампаніі "Сінафарм".
Зрабіць прышчэпку можна ў паліклініцы па месцы жыхарства, у гарадскіх бальніцах і ў дадатковых пунктах вакцынацыі, якія адкрыліся з 25 чэрвеня ў гандлёвых цэнтрах і на рынках. У ліпені пункт вакцынацыі для ўсіх жадаючых запрацаваў на станцыі метро "Кавальская Слабада".
Чытайце таксама:
СМІ: землі ў Германіі хочуць вярнуць федэральным уладам частку вакцын
Захад вядзе кампанію супраць расійскіх вакцын ад COVID - пасол Расіі ў ЗША
Беларуская вакцына ад COVID-19 праходзіць фазу навуковай распрацоўкі
Урачы назвалі ягаду, якая дапамагае аднавіцца пасля каронавіруса
Краіны Еўрасаюза змянілі правілы ўезду для турыстаў