На тэрыторыі Спораўскага балота, аднаго з найбуйнейшых у Еўропе, у мінулыя выхадныя прайшоў аграэкафестываль "Спораўскія сенажаці".
У спаборніцтвах прынялі ўдзел 20 каманд касцоў.
За спаборніцтвамі назіралі сябры і блізкія.
Яны актыўна заўзелі і падтрымлівалі ўдзельнікаў.
Спаборніцтвы праходзілі на лузе каля вёскі Высокае. Для кожнага ўдзельніка выдзелілі ўчастак 3 на 100 м. Яго трэба няпроста хутчэй за ўсіх прайсці, але і чысцей.
Вышыня скошвання не больш за 75 мм.
Па традыцыі сярод удзельнікаў спаборніцтваў па касьбе і жаночыя каманды. Умовамі спаборніцтваў ніякіх паслабленняў для прыгожага полу не прадугледжана: нароўні з мужчынамі яны павінны хутка і якасна пракасіць паласу.
Пераможцамі па хуткасці праходжання дыстанцыі і якасці касьбы сталі Аляксандр Іваноў і Валерый Гайко з каманды Выганашчанскага лясніцтва Івацэвіцкага раёна.
У асабістым жа заліку сярод касцоў лепшым стаў неаднаразовы пераможца спаборніцтваў Віктар Здановіч з Бярозы.
З цікавасцю назіралі гледачы за працай новага старшыні Брэсцкага аблвыканкама Юрыя Шулейкі, які прыняў удзел у спаборніцтвах.
Касіць - праца нялёгкая. Але навучыцца можа кожны.
Але ўсё-ткі галоўная мэта "Спораўскіх сенажацяў" - экалагічная.
Фестываль праводзіцца не толькі з мэтай забавы і спаборніцтвы, але і для выратавання Спораўскага балота і вяртлявай чарацянкі, якая там жыве.
Заказнік - унікальная тэрыторыя, дзе знаходзяцца рэдкія птушкі і жывёлы. З-за зменаў клімату і нерацыянальнага выкарыстання зямель нізінныя балоты зарастаюць, іх абавязкова трэба выкошваць.
Дзеці з задавальненнем таксама браліся за касу.
Сюрпрызам для шматлікай дзятвы стала абліванне пенай і вадой з пажарных машын, праведзенае супрацоўнікамі МНС Бярозаўскага раёна.
Акрамя спаборніцтваў па касьбе фестываль традыцыйна запрашае пагуляць у футбол на балоце.
Беларусь - цудоўны край лясоў і палёў.