МІНСК, 2 вер – Sputnik. Малодшы сын беларускага лідара Мікалай Лукашэнка разам са старшынёй ФХБ Дзмітрыем Баскавым і прэс-сакратаром прэзідэнта Наталляй Эйсмант наведаў дом-інтэрнат у Мінску.
Апроч іх, прыехалі журналісты і людзі, якія доўгі час працуюць з кіраўніком дзяржавы.
"Пра кавуны вы нашы ведаеце, мёд і харчовыя нашы падарункі. А таксама ў гэтым годзе мы крыху разнастаіліся і дадалі да ўсяго медыцынскую апаратуру і тое, што вам можа вельмі моцна спатрэбіцца і пойдзе па-сапраўднаму на карысць", - сказаў Мікалай Лукашэнка.
Акрамя пачастункаў госці падарылі інтэрнату медабсталяванне, медпрэпараты і сродкі індывідуальнай абароны. У прыватнасці, гаворка ідзе пра інгалятар, лазерны апарат, лямпу "Біяптрон", масажор, магнітатэрапеўтычны апарат.
Для добраўпарадкавання тэрыторыі таксама перададзена ў дар дзесяць лавак.
Пра што гаварылі?
Госці пагутарылі з жыхарамі дома-інтэрната, папілі чай з уласнай выпечкай - піражкамі і тартамі.
Мікалай Лукашэнка патлумачыў, што раней не ўдалося сустрэцца ў такім фармаце з-за пандэміі COVID-19.
Як паведамляе БелТА, тэмы былі рознымі: размаўлялі пра спорт, у прыватнасці, пра хакей. Акрамя таго, прадстаўнікі Федэрацыі хакея Беларусі запрасілі ўсіх жадаючых на трыбуны "Мінск-Арэны" у якасці балельшчыкаў мінскага "Дынама" ў новым сезоне.
Таксама абмеркавалі і працу цэнтральных тэлеканалаў.
Кавуны ад Лукашэнкі
У гэтым годзе на прэзідэнцкім участку вялікі ўраджай паласатай ягады - толькі за дзень сабралі 45 тон кавуноў. Частку з іх ужо перадалі ў дзіцячую інфекцыйную бальніцу, дзе лечацца дзеці з каронавірусам.
Дарэчы, на падворку кіраўніка дзяржавы ў гэтым годзе выгадавалі пяць гатункаў не толькі кавуноў, але і дынь: "Бедуін", "ТопГан", "Романза", "Мерсіні" і "Беларускі ранні".
У мінулым годзе не паведамлялася пра тое, што кавуны збіралі на прэзідэнцкім участку. А вось у 2019-м з-за нясонечнага надвор'я на "сотках" вырасла 20 тон кавуноў, збіралі іх у верасні.
Плошча прэзідэнцкага надзела ў 2018-м годзе пад бахчавыя складала 1,5 гектара. Тады ўдалося сабраць 42 тоны ўраджаю. Дарэчы, вага амаль кожнага кавуна перавысіла 10 кг.
Чытайце таксама:
Яхта Пуціна, новы імідж і "Вялікая размова": лета Мікалая Лукашэнкі
Расійская журналістка распавяла, пра што спытала ў інтэрв'ю Мікалая Лукашэнкі
Мікалай Лукашэнка з калядоўшчыкамі прывёз падарункі ў мінскі інтэрнат