МІНСК, 3 вер – Sputnik. У Беларусі пачнуць рыхтаваць авіяцыйных псіхолагаў, якія будуць працаваць з пілотамі і бортправаднiкамi, распавялі Sputnik у Беларускай дзяржаўнай акадэміі авіяцыі (БДАА).
"Мы цяпер сумесна з Дзяржпагранкамітэтам і ДААРУ "Авіяцыя" МНС Беларусі праводзім работу па стварэнні новай спецыяльнасці для краіны - гэта авіяцыйная псіхалогія", - патлумачыла дырэктар інстытута павышэння кваліфікацыі і перападрыхтоўкі БДАА Марыя Завалей.
Паводле яе слоў, гэтая спецыяльнасць вельмі запатрабавана ў авіяцыйнай галіны. Да гэтага часу ў краіне падобных спецыялістаў не было.
"Ужо створаны рабочыя групы, ёсць патрэба і зацікаўленасць бакоў. У дадзены момант ідзе праца па стварэнні адукацыйных стандартаў і тыпавога вучэбнага плана. Пасля гэтага этапу мы ўжо плануем падаваць пакет дакументаў для адкрыцця спецыяльнасці і ўнясення яе ў класіфікатар", - распавяла яна.
Акрамя таго, у кіраўніцтва акадэміі авіяцыі ёсць задумка аднавіць набор на спецыяльнасць "Арганізацыя руху паветранага транспарту" на ўзроўні сярэдне-спецыяльнай адукацыі.
Марыя Завалей таксама дадала, што ВНУ пачала рыхтаваць бортправаднікоў (кабінавыя экіпажы) для самалётаў Embraer 195-E2, якія прыбылі нядаўна ў Беларусь.
Пілоты з беларускім дыпломам
Нагадаем, Беларуская дзяржаўная акадэмія авіяцыі з гэтага года ўпершыню пачала рыхтаваць грамадзянскіх пілотаў, да гэтага большасць беларускіх абітурыентаў адпраўлялася за дыпломам у Маскву, Піцер і Ульянаўск. На бюджэт і платнае ў БДАА было залічана 11 чалавек. Кошт платнага навучання складзе 191 тысячу беларускіх рублёў (76 тысяч долараў па бягучым курсе Нацбанка).
Чытайце таксама:
Рассупрацоўніцтва павялічыць квоты для ўсіх краін СНД - Шаўцоў
Названа самая папулярная спецыяльнасць у БДПУ ў 2021 годзе
Мінадукацыі растлумачыла, чаму аграрныя спецыяльнасці ўжо не такія папулярныя
Ніякага недабору курсантаў не было - начальнік Акадэміі МУС
Як студэнтам патрапіць у Расію ў новым навучальным годзе - "Рассупрацоўніцтва"