МІНСК, 8 вер – Sputnik. Каманда НАТА па супрацьдзеянні гібрыдным пагрозам прыбыла ў Літву, эксперты на працягу двух тыдняў будуць аналізаваць агрэсію такога характару супраць рэспублікі і вучыць барацьбе з ёй, паведамляецца на сайце літоўскага міністэрства абароны.
"7 верасня ў Літве пачала сваю працу каманда НАТА па супрацьдзеянні гібрыдным пагрозам", - гаворыцца ў паведамленні.
Па выніках працы эксперты, якія прыбылі па просьбе літоўскіх улад, дадуць рэкамендацыі Вільнюсу і альянсу аб тым, як больш эфектыўна змагацца з гібрыднымі пагрозамі.
"НАТА працягвае ўважліва сачыць за сітуацыяй на мяжы з Беларуссю, якая аказвае міграцыйны ціск на нашых саюзнікаў Літву, Латвію і Польшчу", - адзначыў кіраўнік каманды НАТА Майкл Руле.
У сваю чаргу, кіраўнік Мінабароны Літвы Арвідас Анушаўскас падкрэсліў, што прыезд натаўскіх экспертаў паказвае, што саюзнікі адказна ацэньваюць геапалітычны кантэкст Літвы і рыхтуюцца да любога магчымага інцыдэнту.
Як адзначаецца на сайце мінабароны Літвы, на саміце у 2018 годзе лідары НАТА дамовіліся стварыць каманды па супрацьдзеянні гібрыдным пагрозам, якія аказваюць спецыялізаваную дапамогу саюзнікам па іх просьбе. Эксперты пад кіраўніцтвам НАТА могуць аказваць падтрымку ў розных галінах, уключаючы кіберабарону, энергетычную бяспеку, барацьбу з тэрарызмам, грамадзянскую падрыхтоўку або стратэгічныя камунікацыі.
У апошні час Літва, Латвія і Польшча заяўляюць пра рост колькасці затрыманых нелегальных мігрантаў на мяжы з Беларуссю. Прэзідэнт Беларусі Аляксандр Лукашэнка заяўляў, што Мінск больш не будзе стрымліваць паток нелегальных мігрантаў у краіны ЕС: з-за санкцый Захаду на гэта няма "ні грошаў, ні сіл".
Чытайце таксама:
Літва агучыла новыя планы па ўзвядзенні "калючага плота" з Беларуссю
Кіраўнікі МЗС ЕС абвінавацілі Беларусь у стварэнні міграцыйнага крызісу на мяжы
Як жыве паўсталая супраць нелегалаў вёска ў Літве. Эксклюзіўны рэпартаж Sputnik
Літва заявіла пра правакацыю беларускіх сілавікоў: ахову мяжы ўзмоцняць
Літва просіць у Еўропы грошаў на гібрыдную вайну з Мінскам
Цяжарную іншаземку без прытомнасці выкінулі з Літвы на лінію мяжы - ДПК