МІНСК, 8 вер – Sputnik. Белорусcкая тэнісістка Арына Сабаленка (№2 у рэйтынгу WTA) выйшла ў 1/2 фіналу Адкрытага чэмпіянату ЗША па тэнісе, паведамляе Sputnik.
Супрацьстаяла беларусцы ў 1/4 фіналу спартсменка з Чэхіі Барбора Крэйчыкава (9). Сабаленка актыўна пачала матч, заваявала ініцыятыву і без праблем давяла лік да пераможнага - 6:1, 6:4.
Саперніцы правялі на корце 1 гадзіну 26 хвілін.
У паядынку за выхад у фінал беларуска пазмагаецца ў пятніцу з канадкай Лейлай Фернандэс (73).
Нагадаем, што раней турнір пакінула экс-першая ракетка свету беларуска Вікторыя Азаранка. Яна прайграла іспанцы Гарбін’е Мугурусе і не змагла выйсці ў 1/8 фіналу.
Адкрыты чэмпіянат ЗША па тэнісе - апошні ў гэтым сезоне турнір серыі "Вялікага шлема" - праходзіць у Нью-Йорку. Ён завершыцца 12 верасня.
Агульны прызавы фонд спаборніцтваў складзе 57,5 мільёнаў долараў - гэта гістарычны рэкорд. Аднак паўфіналісты ў адзіночным разрадзе, атрымаюць менш прызавых, чым у 2020 годзе: 675 тысяч долараў супраць 800 тысяч долараў. Тая ж тэндэнцыя назіраецца і ва ўдзельнікаў вырашальных матчаў. Пераможца атрымае 2,5 мільёна долараў, у мінулым сезоне сума складала тры мільёны.
Чытайце таксама:
Арына Сабаленка выйшла ў чвэрцьфінал US Open
Трэцяя ракетка свету Наомі Осака прыпыніла кар'еру
Івашка ўпершыню ў кар'еры выйграў турнір ATP
Сабаленка ўпершыню ў кар'еры стала другой ракеткай свету