МІНСК, 20 вер - Sputnik. Рост беларускай эканомікі па выніках васьмі месяцаў 2021 года склаў 3% (+ 3,3% у студзені - ліпені), гаворыцца ў аналітычным аглядзе Еўразійскага банка развіцця.
"У жніўні рост ВУП запаволіўся да 1-1,5% год да года з больш чым 3% у ліпені", - канстатавалі спецыялісты фінансавай установы.
На іх думку, істотным фактарам, якія паўплывалі на рост унутранага валавога прадукту стала скарачэнне вытворчасці ў аграрным сектары з-за зніжэння ўраджайнасці збожжавых (амаль на 18% на 17 верасня).
Пры гэтым аналітыкі ЕАБР канстатавалі паляпшэнне дынамікі ў прамысловай сферы. Але папярэджваюць, што аднаўленне знешняга попыту завяршылася і гэта можа аказаць уплыў на дзелавую актыўнасць, якая, верагодна, панізіцца.
У ЕАБР таксама падрыхтавалі макраэканамічны прагноз, дзе гаворыцца, што па выніках 2021 года беларуская эканоміка вырасце на 2,5%, а ўжо ў наступным годзе рост складзе ўсяго 0,4%. У канцы бягучага года інфляцыя складзе 6,5% супраць леташняга выніку ў 9,2%. Курс долара дасягне адзнакі ў 2,55 рублі, а ўжо ў наступным годзе возьме планку ў 2,67 рублі.
Цікава, што па прагнозе сацыяльна-эканамічнага развіцця краіны на бягучы год урадам рэспублікі сярэднегадавы рост ВУП закладзены на ўзроўні 1,8%.
Чытайце таксама:
Галоўчанка: беларуская эканоміка цяпер адчувае сябе здаровай
ВУП Беларусі з пачатку года вырас на 3,3% - Белстат
Рост эканомікі Беларусі запаволіцца ў другой палове 2021 года - ЕАБР