МІНСК, 28 вер - Sputnik. Беларусь больш за год застаецца мішэнню ваяўнічага ціску з боку калектыўнага Захаду, пра гэта заявіў міністр замежных спраў Беларусі Уладзімір Макей, выступаючы ў Нью-Йорку на 76-й сесіі Генеральнай Асамблеі ААН.
"Свет сёння дасягнуў найвышэйшай ступені канфрантацыі. Беларусь таксама апынулася ўцягнутай не па сваёй волі ў бездань гэтай геапалітычнай вайны", - адзначыў кіраўнік беларускага МЗС.
Прычынай сітуацыі, якая склалася, Макей назваў нерэалізаваны сцэнарый чарговай каляровай рэвалюцыі.
"Сёння супраць Беларусі развязана маштабная гібрыдная вайна па ўсіх напрамках", - сказаў ён.
Бліцкрыг не атрымаўся
Па словах міністра, заходнія краіны прыдумляюць "крывадушныя эпітэты" для апраўдання сваіх дзеянняў - "меры падтрымкі дэмакратыі", "сектаральныя абмежаванні" або "садзейнічанне дабрабыту народа".
"Захад усё яшчэ ніяк не можа змірыцца з выбарам большасці беларусаў, таму што гэты выбар беларускіх выбаршчыкаў знерваваў планы асобных стратэгаў. Бліцкрыг па змене ўлады ў Беларусі не атрымаўся", - падкрэсліў Макей.
Паводле яго заяў, Беларусь працягвае паслядоўна і паспяхова развівацца, ідзе сваім шляхам. Пры гэтым правачалавечая праблематыка стала ў свеце рэальнай зброяй супраць няўгодных краін.
"Дэмакратыя, выкраеная па лякалах калектыўнага Захаду, насаджаная недарэчы ў розных краінах свету, нікому не прынесла карысці, а, наадварот, сее хаос і нестабільнасць", - заявіў Уладзімір Макей.
Выкараніць практыку санкцый
Выступаючы на 76-й сесіі Генеральнай Асамблеі ААН, міністр замежных спраў Беларусі заклікаў выкараніць назаўжды практыку адвольных санкцый у якасці інструмента палітычнага ціску.
"І гэта таксама павінна быць адной з сфер дзейнасці ААН", - заявіў кіраўнік МЗС.
Праблема міграцыі
Кіраўнік беларускага МЗС прыцягнуў увагу грамадскасці да праблем міграцыі. Мільёны бежанцаў, паводле яго слоў, імкнуцца патрапіць у "Еўропу, каб уратавацца ад голаду і бедстваў, створаных гэтай жа Еўропай і Захадам у цэлым".
"Як аказалася, іх у Еўропе ніхто не чакае. Дайшло ўжо да таго, што ў суседняй з Беларуссю Польшчы, балтыйскіх дзяржавах бежанцаў не толькі мэтанакіравана збіваюць, а забіваюць, і іх мёртвыя целы затым употай ноччу перацягваюць праз мяжу на беларускую тэрыторыю", - заявіў міністр.
Макей назваў такія факты цынізмам і блюзнерствам. На яго думку, тэма бежанцаў зноў становіцца ўсё больш актуальнай з прычыны безадказнага стаўлення заходніх краін да гэтай праблемы.
У закладніках у пандэміі
Уладзімір Макей адзначыў, што ўжо больш за паўтара года свет знаходзіцца ў заложніках у пандэміі COVID-19, якая забрала жыцці мільёнаў людзей, прывяла да незваротных сацыяльным і эканамічных страт.
"Мы ў поўнай меры падтрымліваем працэс, які праходзіць у рамках Сусветнай арганізацыі аховы здароўя, ц рэагаванні на надзвычайныя сітуацыі ў галіне аховы здароўя", - сказаў кіраўнік беларускага МЗС.
Пры гэтым ён звярнуў увагу, што нельга дапускаць палітызацыю гэтай тэматыкі.
Чытайце таксама:
Што сказаў Лаўроў на Генасамблеі ААН
Макей распавёў генсеку ААН аб канстытуцыйнай рэформе ў Беларусі
Макей з трыбуны ААН перасцярог аб наступствах калійных санкцый