МІНСК, 5 кас - Sputnik. На сераду ў Беларусі аб'яўлены аранжавы ўзровень небяспекі, паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Прычынай стаў моцны паўднёва-ўсходні вецер на захадзе краіны.
У сераду па рэспубліцы ў асноўным будзе пераменная воблачнасць, без ападкаў. Вецер паўднёва-ўсходні 5-10 м/с, парывы да 14 м/с, па захадзе - 15-20 м/с.
Тэмпература паветра ўначы +1 .. +6°C, па захадзе +7 .. +9°C. Па паўднёвым усходзе месцамі будуць замаразкі ад нуля да -2°C. Днём паветра прагрэецца да +12 .. +17°C.
Па прагнозах сіноптыкаў, такое надвор'е патрымаецца да выходных. На ўік-энд будзе воблачна з праясненнямі, без істотных ападкаў. Вецер паўднёва-ўсходні ўмераны. Ноччу + 2 ... +7°C, у дзённыя гадзіны паветра прагрэецца да +14 ... +16°C.
У другой палове тыдня вецер пачне супакойвацца. Пры малавоблачным небе ўзрасце верагоднасць замаразкаў. Да выхадных яны распаўсюдзяцца на большую частку тэрыторыі Беларусі.
"Не варта пакідаць без накрыцця на палях выкапаную сельскагаспадарчую прадукцыю", - адзначаюць спецыялісты Белгідрамета.