МІНСК, 10 кас – Sputnik. Каронавірус "памаладзеў", стаў больш раннім і жорсткім, заявіў міністр аховы здароўя Беларусі Дзмітрый Піневіч напярэдадні ў эфіры тэлеканала АНТ.
"Калі раней пагаршэнне стану можна было чакаць на 7-8 суткі хваробы, то цяпер у пацыентаў пацяжэнне стану медыкі рэгіструюць на 3-4 суткі", - апісаў сітуацыю кіраўнік Міністэрства аховы здароўя.
Піневіч запэўніў, што сітуацыя знаходзіцца на пастаянным кантролі ва ўсіх рэгіёнах, каб своечасова перапрафіліраваць і арганізоўваць працу бальніц і паліклінік, у тым ліку на кантролі бесперабойная праца сістэмы падачы кіслароду. Тым не менш, людзям варта праяўляць зараз асаблівую асцярожнасць.
Сітуацыя няпростая
Піневіч таксама адзначыў, што цяпер у Беларусі адзначаецца пад'ём захворванняў: "Сітуацыя сур'ёзная, вірус мутуе".
"Мы рэгіструем каронавірус у моладзі, дзяцей і цяжарных - у першую хвалю такіх пацыентаў было мала. Каб змагацца з гэтай хваробай, трэба вакцынавацца, - гэта адзінае правільнае рашэнне", - заклікаў міністр.
Кіраўнік ведамства нагадаў: тыя, хто прышчапіўся, калі захворваюць, пераносяць каронавірус лягчэй.
"У рэанімацыях на ШВЛ ляжаць невакцынаваныя пацыенты. Вядома, як і пры любой вакцынацыі, ёсць людзі, якія ў сілу індывідуальных асаблівасцей арганізма, не рэагуюць на вакцыну. Але вакцынацыя накіравана ў першую чаргу на тое, каб скараціць колькасць смяротных выпадкаў", - дадаў Піневіч.
Каронавірус ў Беларусі
З пачатку пандэміі ў краіне зарэгістравана 555 793 выпадкі COVID-19. Колькасць памерлых ад каронавіруса у рэспубліцы склала ўжо 4 275 чалавек.
Рост колькасці хворых у Беларусі адзначаецца з пачатку верасня, а ў канцы месяца Мінздароўя афіцыйна прызнала ў рэспубліцы чацвёртую хвалю пандэміі.
C 22 верасня ў Беларусі адменены планавыя візіты ў паліклініку. Працягвае паступова павялічвацца і колькасць перапрафіліраваных ложкаў для лячэння пацыентаў з каронавірусам: такіх за тыдзень стала больш на 4,4 тысячы па краіне.
З 9 кастрычніка ў рэспубліцы стаў больш жорсткім масачны рэжым: насіць маскі неабходна ва ўсіх грамадскіх месцах. Міністэрства аховы здароўя таксама анансавала, што ўжо ўнесена істотнае дапаўненне - адказнасць фізічных асоб. Аб увядзеннi штрафаў для звычайных беларусаў (а не для суб'ектаў гаспадарання, як гэта зараз) за невыкананне масачнага рэжыму пакуль не паведамлялася.
Чытайце таксама:
Ва ўсіх грамадскіх месцах: масачны рэжым становіцца больш жорсткім з 9 кастрычніка
"Спутник V", "Сінафарм" ці "Спутник Лайт" - якая вакцына лепш?
Як аднавіцца пасля каронавіруса: пакрокавая інструкцыя
У праваслаўных храмах Мінска свяшчэннікі будуць заклікаць да вакцынацыі
Лекары назвалі спосаб хутка вярнуць нюх пасля каронавіруса