МІНСК, 11 кас - Sputnik. Эксперты НАТА знаходзяцца ў Літве, яны ўважліва сочаць за сітуацыяй з мігрантамі на мяжы Беларусі з Польшчай, Літвой і Латвіяй, заявіў генеральны сакратар Паўночнаатлантычнага альянсу Йенс Столтэнберг, выступаючы на адкрыцці пленарнай сесіі парламенцкай асамблеі НАТА ў Партугаліі.
"Мы размясцілі некалькіх экспертаў у Літве, каб дапамагчы Літве шукаць рашэнне і адказваць на тое, што мы назіралі. Гэта значыць, мы будзем уважліва сачыць за сітуацыяй і яе развіццём і гатовы падтрымаць саюзнікаў самым эфектыўным чынам", - сказаў ён.
Што адбываецца на мяжы
Міграцыйны крызіс на мяжы Беларусі з Літвой, Латвіяй і Польшчай узнік вясной гэтага года і абвастрыўся летам з-за рэзкага павелічэння наплыву нелегальных мігрантаў.
Суседнія з Беларуссю краіны абвінавачваюць Мінск у арганізацыі патоку бежанцаў і прыступілі да ўзвядзення інжынерных загарод на шляху нелегалаў.
Беларускія ўлады адмаўляюць сваё дачыненне да падзей на мяжы, тлумачачы, што крызіс узнік з-за пандэміі, абвастрэння эканамічных і палітычных праблем на тэрыторыі Ірака, Афганістана і іншых дзяржаў блізкаўсходняга рэгіёну.
Як заявіў дзяржаўны сакратар Савета бяспекі Беларусі Аляксандр Вальфовіч, еўрапейскія суседзі ігнаруюць прынцыпы двухбаковага ўзаемавыгаднага супрацоўніцтва, якія тычацца аховы дзяржаўнай мяжы і прытрымліваюцца установак - з дапамогай санкцый ціснуць на Беларусь.
Чытайце таксама:
ДПК паказаў відэа, дзе польскія ваенныя страляюць у паветра і б'юць бежанцаў
Пагарджанне да суверэнітэту Беларусі: МЗС аб гуманітарным канвоі Польшчы
Пагранслужба Польшчы спыніла новыя спробы пераходу мяжы з Беларуссю