Беларусы могуць прышчапіцца ад грыпу ў выязных пунктах вакцынацыі супраць COVID

МІНСК, 24 кас – Sputnik. Вакцынавацца ад грыпу можна ў тых жа пунктах, дзе прышчапляюць ад каронавіруса, паведаміла галоўны ўрач 39-й паліклінікі Мінска, галоўны пазаштатны спецыяліст па амбулаторна-паліклінічнай дапамогі Міністэрства аховы здароўя Вольга Есманчык.

Беларусаў вакцынуюць ад COVID-19 не толькі ў паліклініках, шпіталях і РНПЦ. Пункты, дзе можна зрабіць прышчэпку, ёсць таксама ў гандлёвых цэнтрах, на прадпрыемствах, у метро і тэрытарыяльных цэнтрах сацыяльнага абслугоўвання.

"У многіх выязных пунктах вакцынацыі ад COVID праводзіцца вакцынацыя і ад грыпу", - цытуе Есманчык БелТА.

Урачы рэкамендуюць вакцынавацца спачатку ад каронавіруса, а затым ад грыпу, аднак дазволена рабіць дзве прышчэпкі адначасова пры адсутнасці супрацьпаказанняў.

У Беларусі працуе звыш 850 пунктаў вакцынацыі супраць каронавіруса. Спісак шукайце тут.

Міністэрства аховы здароўя устанавіла, што ў першую чаргу рабіць прышчэпку ад грыпу могуць дарослыя, якія завяршылі поўны курс вакцынацыі супраць каронавіруса - якія атрымалі два кампаненты прэпарату. У ліку першых ад грыпу прышчапляцца могуць таксама дзеці ад 0 да 17 гадоў, якія наведваюць школы і дзіцячыя сады.

Пры неабходнасці можа быць распрацаваны індывідуальны план вакцынацыі супраць грыпу і каронавіруса з верасня па снежань гэтага года, які ўключае вакцынацыю ад каронавіруса у першую чаргу, затым - прышчэпку ад грыпу (але не раней, чым праз 2 тыдні пасля атрымання другога кампанента вакцыны ад COVID-19).

Дзве прышчэпкі - і ад грыпу, і ад коронавируса - могуць быць зроблены адначасова, але з умовай: у пацыента не павінна быць супрацьпаказанняў, а таксама ён павінен падпісаць абавязковую інфармаваную згоду.