На мяжы Германіі з Польшчай заўважаны неанацысты з мачэтэ і бітамі

МІНСК, 24 кас – Sputnik. Нямецкая паліцыя спыніла і агледзела на мяжы з Польшчай групу з 50 правых экстрэмістаў, якія былі ўзброены перцавым спрэем, бейсбольнымі бітамі і мачэтэ, паведаміла выданне Spiegel.

Праваахоўнікі высветлілі, што неанацысты ўваходзяць у праваэкстрэмісцкую групоўку "Трэці шлях" (III. Weg), лідары якой заклікалі сваіх паслядоўнікаў адправіцца да нямецка-польскай мяжы і не дапусціць траплення ў ФРГ нелегалаў.

Экстрэмістаў выявілі ў ноч на 24 кастрычніка. Аказалася, што яны жывуць у пагранічным Брандэнбургу і іншых федэральных землях Германіі. Ім загадалі пакінуць прыгранічны раён, які працягвае патруляваць паліцыя.

Раней міністр унутраных спраў Германіі Хорст Зеехофер заявіў, што падтрымлівае рашэнне Польшчы аб будаўніцтве плота на мяжы з Беларуссю з-за міграцыйнага крызісу.

Ён лічыць, што сітуацыя з нелегаламі аказвае моцны ціск на Германію і ўсю Еўропу. Кіраўнік МУС падкрэсліў, што мяжу Германіі з Польшчай кругласутачна патрулююць сотні пагранічнікаў, пры неабходнасці іх колькасць павялічаць.

Літва, Латвія і Польшча не раз паведамляла пра рост колькасці нелегалаў, якіх затрымліваюць на мяжы з Беларуссю, і вінаваціла Мінск у стварэнні ўмоў для міграцыйнага крызісу.

Беларускі лідар Аляксандр Лукашэнка вясной заяўляў, што Мінск больш не будзе стрымліваць паток бежанцаў у краіны ЕС: з-за санкцый Захаду на гэта няма "ні грошаў, ні сіл".

У кастрычніку беларускія пагранічнікі неаднаразова заяўлялі аб гвалтоўным выдварэнні мігрантаў Літвой, Латвіяй і Польшчай у Беларусь.