МІНСК, 26 кас – Sputnik. Цяпер трэба гэта перажыць і выстаяць, сказаў прэзідэнт Беларусі Аляксандр Лукашэнка падчас рабочай паездкі ў Ліду і размовы з супрацоўнікамі мясцовай бальніцы.
Паводле яго слоў, калі беларусы не перажывуць і не выстаяць гэты перыяд часу, то не адбудуцца як дзяржава і нашы дні будуць злічаны.
Лукашэнка нагадаў, што ўжо гаварыў аб тым, што зараз моцныя дзяржавы займаюцца перадзелам свету, а Беларусі ў гэтых умовах трэба выстаяць.
"А яшчэ і канстытуцыйныя пераўтварэнні правесці, а яшчэ "перамен" хочаце, а яшчэ паўнамоцтвы раздаць. Ну раздадзім. Але гэта вы захацелі", - адзначыў ён.
На думку беларускага лідара, нашай краіне трэба ўсё гэта вытрымаць і выдужаць. "І мы выстаім, калі вы будзеце слухаць і чуць, што я вам кажу", - заявіў прэзідэнт.
Пры гэтым ён запэўніў, што пытанне не датычыцца асобы прэзідэнта і ўтрымання яго ўлады. "Не ў гэтым справа. Пытанне сёння ў нашых дзецях і нашым кавалку зямлі, на якім мы жывем", - цытуе кіраўніка дзяржавы БелТА.
Раней беларускія ўлады анансавалі правядзенне рэферэндуму па ўнясенні змен у Канстытуцыю на люты 2022 года. Цяпер спецыяльная камісія дапрацоўвае тэкст паправак, якія ў бліжэйшы час будуць вынесены на ўсенароднае абмеркаванне. Найбольшыя цяжкасці ў камісіі выклікалі пытанні вызначэння статусу Усебеларускага народнага схода і размеркавання паўнамоцтваў паміж галінамі ўлады.
Чытайце таксама:
Лукашэнка: Беларусь павінна быць прэзідэнцкай рэспублікай
Закон аб абароне суверэнітэту і канстытуцыйнага ладу ўступіў у сілу
У аснове асноў - чысціня кадраў: Лукашэнка аб кадравай палітыцы
Лукашэнка назваў дату чарговай спробы рэвалюцыі
СК прапанаваў удзельнікам пратэстаў з'явіцца з пакаяннем