МІНСК, 26 кас - Sputnik. Тры новыя лайнеры "Белавія" Embraer 195-E2 адзін за адным вылецелі з Мінска ў Нур-Султан, сведчаць дадзеныя сэрвісу flightradar.
У офісе авіякампаніі "Белавія" не сталі каменціраваць гэтую інфармацыю, спаслаўшыся на камерцыйную таямніцу.
Усе тры барты былі набыты ў лізінг у лютым 2020 года. У канцы снежня першы Embraer быў дастаўлены ў Мінск, у красавіку і траўні - два іншых. Гэтыя лайнеры абсталяваны новымі рухавікамі, цалкам новым крылом, сістэмай дыстанцыйнага кіравання fly-by-wire і новым шасі.
Акрамя таго, самалёт на чвэрць зніжае выдатак паліва, на траціну - выкіды азоту, напалову - вуглякіслага газу. Гэта самы ціхі ўзор у сваім класе.
Паветранае судна можа ўзлятаць з максімальнай масай 62 тоны і паднімацца на вышыню 12497 м, развіваючы хуткасць да 870 км/г. Самалёт разлічаны на перавозку 125 пасажыраў.
У флоце "Белавія" зараз 29 паветраных суднаў: дзевяць Boeing-737-800, адзін Boeing-737-500, тры Boeing-737-300, пяць Embraer-175, сем Embraer-195, тры Embraer-195-Е2, а таксама Boeing-737 MAX. Нагадаем, нядаўна авіякампанія выставіла на продаж свой самы першы "Боінг".
Чытайце таксама:
"Белавія" не ўдзельнічала ў арганізацыі перавозак нелегалаў - Мінтранс
Больш за мільён: "Белавія" выставіла на продаж свой першы "Боінг"
Супраць "Белавія" могуць увесці новыя санкцыі