На гэты раз (66-ы) спікеры сабраліся ў Мінску, каб абмяняцца вопытам і абмеркаваць заканадаўства дзвюх краін у галіне абыходжання з адходамі. Сярод удзельнікаў быў вядомы ў мінулым расійскі баксёр, цяпер дэпутат Дзярждумы Расіі Мікалай Валуеў.
Усё круціцца вакол упакоўкі
Палітык прызнаўся, што, паводле яго інфармацыі, справы са зборам адходаў у Беларусі ідуць крыху лепш. Валуеў выступае за пашыраную адказнасць вытворцаў прадукцыі, якія выкарыстоўваюць пластыкавую ўпакоўку. Паводле яго слоў, яны маглі б пералічваць неабходныя грошы ў сістэму абароту смецця, у прыватнасці, яго перапрацоўкі.
Удзельнік семінара звярнуў увагу, што ЕС выбудоўвае сваю сістэму перапрацоўкі смецця менавіта на гэтыя сродкі, якія ідуць непасрэдна ўтылізатарам.
У сваім дакладзе Валуеў паскардзіўся, што ў Расіі да гэтага яшчэ не прыйшлі. "Прэзідэнт Уладзімір Пуцін даў зразумець, што павінен плаціць "забруджвальнік". Гэта не толькі труба з бягучымі ў якую-небудзь раку неачышчанымі сцёкамі, але і пластыкавыя бутэлькі, кардон, успененыя полістыролы і многае іншае, што сёння з'яўляецца ўпакоўкай", – сказаў Валуеў.
Дэпутат звярнуў увагу на даклад прадстаўніка Мінпрыроды Беларусі Вольгі Сазонавай на тэму зніжэння адходаў палімернай упакоўкі. "У Еўропе такая упакоўка абкладаецца звышпадаткам, які "адварочвае" вытворцу, не дазваляючы яму такую ўпакоўку выкарыстоўваць", – заўважыў палітык.
Дэпутат Дзярждумы Расіі Мікалай Валуеў
© Sputnik
Валуеў расказаў, што плануе заставацца ў камісіі па эколагі Парламенцкага схода Саюзнай дзяржавы, каб праецыраваць перадавыя думкі і на Расію.
Праблему трэба было вырашаць яшчэ ўчора
Палітык выказаў надзею, што Расія як мага хутчэй пяройдзе на сур'ёзнае павышэнне адказнасці вытворцаў, каб атрымаць тыя грошы, якія неабходны для галіны.
Валуеў лічыць, што, калі пакінуць сітуацыю на такім узроўні, не ўдасца дасягнуць тых паказчыкаў расійскага нацпраекта "Экология", якія закладваюцца да 2024 года.
"Мы рызыкуем вельмі моцна. І мне б не хацелася, каб потым мы проста нацягвалі лічбы на неіснуючыя шкілеты. Ужо ўчора трэба было пераходзіць да вельмі сур'ёзнага павышэння адказнасці вытворцаў", - сказаў на заканчэнне дэпутат.
Ці трэба абеззаражваць смецце з-за масак?
На пытанне карэспандэнта Sputnik, ці не давядзецца ў перспектыве абеззаражваць смецце з-за масак, якія трапляюць у адходы, Валуеў адказаў, што людзі наўрад ці будуць выкідваць маскі ў асобна адведзенае месца.
На яго думку, маскі складана вылучыць у масе самога смецця і тым больш прымусіць людзей выкідваць сродкі абароны ў асобны кантэйнер. Гэтая ідэя падаецца палітыку ўтапічнай.
Не кропля ў моры
Яшчэ адно пытанне датычылася забруджвання сусветнага акіяна. Валуеў падкрэсліў, што Расія не з'яўляецца ў класічным разуменні ўтваральнікам смецця, якое трапляе ў мора. Праблемай для сваёй краіны ён назваў сцёкі прамысловых прадпрыемстваў, разлівы нафты і нафтапрадуктаў, успомніўшы нядаўнія здарэнні ў Нарыльску і Новарасійску.
Дэпутат падкрэсліў, што звычайна размова ідзе аб азіяцкім ціхаакіянскім рэгіёне, дзе з-за перанаселенасці ўтвараецца асноўная частка смецця, якая аказваецца ў акіяне. Валуеў звярнуў увагу на праблему траплення мікрапластыка ў рыбу, уключэнне якой у харчовы ланцужок чалавека правакуе анкалагічныя захворванні.
Таксама на Sputnik:
Які штраф прыйдзецца заплаціць за адмову сартаваць смецце?
Польскія ўлады шукаюць беларуса за ... уборку смецця ў лесе
Як у Вене: смеццеспальвальны завод плануюць пабудаваць у Мінску
Кантэйнеры для пратэрмінаваных лекаў з'явяцца ў Мінску
Межы закрыліся, а пластык застаўся: як чысцяць пляжы на Балі - відэа