МІНСК, 31 кас - Sputnik. Рэйтынг найбагацейшых памерлых знакамітасцяў сёлета ўпершыню ўзначаліў брытанец Роальд Даль, які напісаў сусветна вядомую аповесць "Чарлі і шакаладная фабрыка", паведамляе Forbes USA.
Такі скачок у рэйтынгу стаў магчымы на фоне гісторыі з Netflix. Стрымінгавы сэрвіс вырашыў выкупіць правы на дзіцячую казку, каб стварыць прыквел да фільма 2005 года. Новая карціна будзе прысвечана маладому Вілі Вонку, яго шляху да вядомасці і славы. Такім чынам, даход Даля, якога не стала больш за 30 гадоў таму, дзякуючы гэтай здзелцы вырас на 513 мільёнаў долараў. Гэтыя грошы атрымаюць сваякі памерлага пісьменніка.
Актрыса Патрысія Ніл і яе муж Роальд Даль
© AP
Другі радок у рэйтынгу памерлых багатыроў заняў амерыканскі музыка Прынс. Блізкія артыста прадалі сёлета амаль палову спадчыны, у тым ліку часткe музычнага каталога, кампаніі Primary Wave, зарабіўшы на гэтым 120 млн долараў. Музыка памёр у 2016 годзе.
На трэцім месцы - спявак Майкл Джэксан (сканаў у 2009 годзе), які ўзначальваў рэйтынг апошнія восем гадоў. Створаны артыстам лэйбл Mijac Music прыцягнуў каля 30 млн долараў інвестыцый, а дыскаграфія Джэксана сабрала каля 1,3 млрд праслухоўванняў на розных пляцоўках. Агульны даход за год - 75 млн долараў.
Поўны спіс выглядае так:
Роальд Даль (даход 513 млн долараў);
Прынс (120 млн);
Майкл Джэксан (75 млн);
Чарльз Шульц (40 млн);
Доктар Сьюзэн (35 млн);
Бінг Кросбі (33 млн);
Элвіс Прэслі (30 млн);
Арнольд Палмер (27 млн);
Джэры Гофін (23 млн);
Лютар Вандрос (21 млн);
Боб Марлі (16 млн);
Juice WRLD (15 млн);
Джон Ленан (12 млн).
Агульныя даходы памерлых знакамітасцей за год выраслі амаль утрая і склалі каля 1 млрд долараў. У абноўленым рэйтынгу ўлічваліся даходы з 30 кастрычніка 2020 года да 30 кастрычніка 2021 года.