МІНСК, 1 ліс – Sputnik. Міністэрства інфармацыі Беларусі пацвердзіла факт блакіроўкі выдання Regnum у рэспубліцы, адпаведная інфармацыя з'явілася на сайце ведамства ў панядзелак.
Сайт агенцтва "Регнум" перастаў адкрывацца ў Беларусі ў мінулую суботу – як праз правайдэр "Белтэлекам", так і пры спробе зайсці з дапамогай мабільнага інтэрнэту. Сотавыя аператары паведамілі, што доступ да рэсурсу быў абмежаваны на патрабаванне Мінінфарма.
"На мінулым тыдні Мінінфармам у БелДІЭ накіраваны чарговыя апавяшчэнні аб уключэнні ў спісак абмежаванага доступу шэрага ідэнтыфікатараў інтэрнэт-рэсурсаў, доступ да якіх быў абмежаваны раней, у іх ліку euroradio.fm; regnum.ru; belsat.eu; spring96.org; svaboda.org", - гаворыцца ў паведамленні ведамства.
У Мінінфарме ўдакладнілі, што праводзяць працу па выяўленні ідэнтыфікатараў інтэрнет-парталаў, з дапамогай якіх можна атрымаць доступ да сайтаў, у дачыненні да якіх раней было прынята рашэнне аб блакіроўцы. У тым ліку гэта датычыцца і "люстэркаў" такіх парталаў.
Раней у Беларусі рашэннем Міністэрства інфармацыі быў заблакіраваны шэраг інфармацыйных рэсурсаў, 28 кастрычніка прынята рашэнне аб абмежаванні доступу да сайтаў Deutsche Welle, "Настоящее время" і "Новый час".
Падставай для прынятага рашэння паслужыла распаўсюджванне на гэтых медыяпляцоўках гіперспасылак на матэрыялы, прызнаныя экстрэмісцкімі на падставе адпаведных рашэнняў суда, растлумачылі ў Мінінфарме.
У адпаведнасці з арт.19 закона "Аб супрацьдзеянні экстрэмізму" не дапускаецца распаўсюджванне экстрэмісцкіх матэрыялаў, пры гэтым арт.38 Закона аб СМІ устанаўлівае прамую забарону на распаўсюджванне ў тым ліку гіперспасылак на такія матэрыялы, нагадалі ў профільным ведамстве.
Чытайце таксама:
Блакіраванне "Рэгнума": Cоюз журналістаў паабяцаў разабрацца з сітуацыяй
Мінінфарм Беларусі патлумачыў блакіраванне Deutsche Welle
Сайт нямецкага выдання Deutsche Welle у Беларусі заблакіраваны
Мінінфарм назваў прычыну блакіроўкі сайта kp.by
Рэсурсы "Белсата" прызнаны ў Беларусі экстрэмісцкімі