МІНСК, 2 ліс – Sputnik. Перанесены каронавірус можа сур'ёзна паўплываць на стан скуры чалавека, адзначаюць расійскія медыкі.
Як расказала тэлеканалу "Звезда" кандыдат медыцынскіх навук, урач-дэрматавенеролаг Ірына Скарагудаева, посткавідны сіндром можа, у прыватнасці, прывесці да высыпанняў на твары.
"Узнікае не проста пачырваненне, а элементы, звязаныя з васкулітам. У самым пачатку гэта падобна на сіняк", - сказала яна.
Паводле яе слоў, сімптомы высыпанняў на скуры не рэдкасць пасля перанесенага COVID-19. Скарагудаева нагадала, што падчас першай хвалі пацыенты звярталіся з высыпаннямі ў асноўным на нагах.
Спецыяліст яшчэ раз адзначыла: вірус трапляе ў арганізм чалавека праз лёгкія, аднак пасля распаўсюджваецца па ўсім целе.
"Пры гэтым працэсе пашкоджваюцца сасуды", — дадала яна.
Раней расійскія лекары назвалі іншыя незвычайныя наступствы, з якімі сутыкаюцца людзі, якія перахварэлі на дэльта-штам каронавіруса. Па словах медыкаў, урачы часцей фіксуюць у іх моцную стомленасць, пашкоджанне галасавых звязкаў і парушэнне памяці.
Чытайце таксама:
Пуцін распавёў аб распрацоўцы прэпаратаў для лячэння каронавіруса
Доктар Камароўскі: страта нюху пры COVID можа быць смяротна небяспечная
Цяжарнасць і каронавірус: урач распавёў аб сімптомах, лячэнні і рызыках