МІНСК, 13 ліс – Sputnik. Пасля прыняцця новай Канстытуцыі Беларусі нельга дапусціць двоеўладдзя ў краіне, заявіў прэзідэнт Аляксандр Лукашэнка ў інтэрв'ю расійскаму часопісу "Национальная оборона".
"Ні ў якім разе нельга дапусціць двоеўладдзя. Кіраўнік дзяржавы, прэзідэнт, павінен заставацца прэзідэнтам, у нас павінна быць прэзідэнцкая рэспубліка", - заявіў ён, адказваючы на пытанне галоўрэда выдання Ігара Каротчанкі. Лукашэнка дадаў, што ў адваротным выпадку "краіну знішчым".
Беларускі лідар адзначыў, што пасля прыняцця новай Канстытуцыі вышэйшым прадстаўнічым органам у краіне можа стаць Усебеларускі народны сход. Аднак важна, паводле слоў беларускага лідэра, каб УНС не стаяў вышэй за прэзідэнта і не ўмешваўся "там, дзе не трэба".
"Каб ён не ўмешваўся ў работу органаў улады, але меў дастаткова паўнамоцтваў, каб не было гэтых форс-мажораў. Каб краіна развівалася спакойна. Ну як у Расіі прыкладна Дзяржсавет", - растлумачыў Лукашэнка.
Чытайце таксама:
Лукашэнка пра новую Канстытуцыю: атрымаў варыянт, азнаёміўся, ёсць што абмяркоўваць
Лукашэнка заявіў, што Беларусь выстаіць, калі яго будуць слухаць
Лукашэнка: Беларусь павінна быць прэзідэнцкай рэспублікай