МІНСК, 15 ліс — Sputnik. Беларуская нацыянальная авіякампанія "Белавія" не будзе прымаць грамадзян Ірака, Сірыі, Афганістана і Йемена на борт самалётаў, якія накіроўваюцца ў Беларусь, аб гэтым праінфармавалі ў прэс-службе авіяперавозчыка.
"У адпаведнасці з рашэннем кампетэнтных органаў ААЭ, з 14 лістапада грамадзяне Афганістана, Ірака, Йемена, Сірыі не будуць прымацца да перавозкі на рэйсах, якія ляцяць з Дубаі ў Беларусь" - гаворыцца ў паведамленні, размешчаным на сайце кампаніі.
З гэтай прычыны беларуская авіякампанія таксама ўзмоцніць кантроль па праверцы дакументаў пры рэгістрацыі пасажыраў на рэйсы з Дубая.
Там адзначаецца, што пасажырам авіякампаніі "Белавія", якія трапляюць пад дадзеную забарону, вернуць поўны кошт білетаў. Акрамя таго, авіякампанія ўзмацніла кантроль за выкананнем візавых патрабаванняў і міграцыйным заканадаўствам на ўсіх сваіх рэйсах.
Паводле звестак прэс-службы, "Белавія" ў кастрычніку выконвала пяць рэйсаў на тыдзень у Дубаі, прычым білеты пераважна прадаваліся беларускім тураператарам.
Раней у авіякампаніі паведамлялі аб тым, што спыняюць перавозіць грамадзян Ірака, Сірыі і Йемена з Турцыі. Турэцкі авіяперавозчык "Турэцкія авіялініі" (Turkish Airlines) таксама пацвердзіў, што на рэйсы ў Мінск не будуць пускаць грамадзян Ірака, Йемена і Сірыі.
Сітуацыя з мігрантамі
Некалькі тысяч чалавек з блізкаўсходніх краін знаходзяцца каля беларуска-польскай мяжы з 8 лістапада, і заяўляюць аб намерах прайсці ў Германію. Частка з іх перыядычна спрабуе прарвацца праз загароды.
Да стыхійнага лагера перыядычна прыбываюць новыя групы, у тым ліку - жанчыны і дзеці.
Сітуацыя, якая склалася, прывяла да поўнамаштабнага міграцыйнага крызісу ў рэгіёне і абвастрэння адносінаў беларускіх уладаў з Еўрасаюзам.
Раней у агенцтве "Блумберг" паведамілі, што ў ЕС абмяркоўваецца новы санкцыйны пакет супраць Беларусі, звязаны з сітуацыяй з мігрантамі на мяжы. Разглядаецца таксама магчымасць увядзення абмежаванняў супраць "Аэрафлота".
Чытайце таксама:
Ірак запланаваў авіярэйс для вяртання бежанцаў з Беларусі
Польшча можа перакрыць чыгунку з Беларуссю
"Мы не жывёлы, мы людзі": гісторыі і просьбы мігрантаў на мяжы Польшчы